عادات وتقاليد العـــرس الجــزائــري من أول يـــوم خطـــوبة الــى آخــر يـــوم عــرس ..... ^^" .....

السلاام عليكم ورحمة الله وبركاته


كيف حالكم شباب وبنات ؟؟ إن شاء الله بخير وعافية


اليوم حبيت نحطلكم موضووع نحكيلكم فيه


على عادات وتقاليد العرس الجزائري من أول يووم خطوبة الى آخر يوم عرس
رايحة نحكيلكم بالتفاصيل ورح يكوون الموضووع مصحوب بصور ان شاء الله




والرجاء من الأعضاء من مختلف الولايات يساعدوني
ويقولولي وين هما يختلفوو علينا في بعض العادات


لانو تقريبا نفسها لكن يبقى الإختلاااف شوي ^^"


وتاني نطلب من الأعضاء الشباب يساعدوني في خطوات
عرس الرجل ويحكونا عليه شوي معي اووك


أي تضيفو شي ناقص أنا ما قلتوش


يعني الموضووع رايحين كامـــل تحكـــــو معايا ونتعرفو على عادات الولاية
المختلفة ونعــرفو عاداتنا وتقاليدنا للغير جزائريين

الخــــــــُـــــــــــطــــــــــــــُـــــــــــ ـوبـــــَــة



بسم الله الرحمن الرحيم والصلاة والسلام على أشرف خلق الله سيدنا وحبيبنا محمد

السلام عليكم ورحمة الله

وأنا أتصفح المنتديات لقيت إختلاااف كبير فالعادات والتقاليد بين مختلف ولايات الوطن

وأنو عادات العرس الجزائري تختلف كثير عن عادات وتقاليد باقي جيرانا العرب

على هذا اليوم حبيت نحطلكم هاذ الموضوع بحيث نحكيلكم فيه عن مراسيم العرس الجزائري من بداية الخطوبة الى آخر يوم زفاف
وإن شاء الله اذا لقيت وساعدتني الظروف رح تكون كل خطوة مصحوبة بصور ^^"

وأنا إن شاء الله رح نبذل مجهودي في هاذ الموضوع باه نعطو صورة مليحة وواضحة عن عاداتنا وتقاليدنا

يعني أنا رايحة نتعب على الموضوع ونكتبو بيديا وانتم أيضاً ساعدوني بمشاركاتكم وبإضافاتكم وبتشجيعكم ^^"

الموضووع طويـــــل يعني اُصبرو عليْ أيام حتى يكتمل أنتم برك تابعوني ورايحين تستمتعو

وان شاء الله رح ينال إعجابكم

وبالمناسبة مبرووك لكل العرسان الي عندنا بالمنتدى ولعقوبة لكل بنات وشباب المنتدى ان شاء الله ^^"
بسم الله وعلى بركة الله
نبداو :

تفاصيل الخطوبة

[ندعوك للتسجيل في المنتدى أو التعريف بنفسك لمعاينة هذه الصورة]



فِالعادة لما يشوف الولد البنت
وتعجبو

[ندعوك للتسجيل في المنتدى أو التعريف بنفسك لمعاينة هذه الصورة]

يراقبها عن بُعْدْ ويحاول يعرف بيتها

بَعْدْ أيَام يقول عليها لِوالِدَتِهْ

ويطلب منها تروح وتخطبها له أكيد بعد ما يشاور الوالدة وياخذ رايها فالبنت ^^"

اووك تروح والدة الشاب وجدته أو خالته او أختو ... وهكذا أي جماعة من النسوان من أهل الولد

يروحو لبيت البنت ويشوفوها وأكيد ياخذو معهم
قالب من الحلوى ( طورطه ) ( باتيسري ) هههه

وأكيد تكون صغيرة ماشي كبيرة الكبيرة للخطوبة الرسمية

[ندعوك للتسجيل في المنتدى أو التعريف بنفسك لمعاينة هذه الصورة]

يشوفو البنت ويسألو عليها مليح راكم تعرفو النساء هههه :eek:

وأيضا أهل البنت يسألون عن الولد وعملو عندو دار ما عندووش وعندو سيارة ولا لالا هههههه نمزح برك ما تخافوش شباب ههههه :p

ويرجعو للبيت ويتشاورو كلاا الطرفين أهل الولد وأهل البنت
كل واحد منهم في بيته

ويشاورو البنت ويأخذو رايها ......


أياا يتبع بالزااف عليكم لليوم ^^"

[ندعوك للتسجيل في المنتدى أو التعريف بنفسك لمعاينة هذه الصورة]

موضوع متميز فعلا

تعبير وكلمات في منتهى الروعة


شكراااااااااا وننتظر المزيد


واكيد أماني راهي هنا والي بيدي مانبخلش بيها

والله فكرة مليحة باش يدو شوية خبرة شباب ليميعرفوش هههههه كي حلتي

وأيضا أهل البنت يسألون عن الولد وعملو عندو دار ما عندووش وعندو سيارة ولا لالا هههههه نمزح برك ما تخافوش شباب ههههه :p

يا اختي متخوفيناش هههههه

والله والوا راني غير نقصر
مشكورة اماني
جزاكم الله كل خير

مشكوووووووووورة اختي

موضوع في قيمة

موضوع رائع ومميز اختي

مشكوووووورة

واش رايكم نكملووو ^^"

اووك قلنا يسألو اهل البنت اذا البنت موافقه على الولد او لا
اووك بعد مدة يرجعو أهل الولد لكي يعرفوو واش كان جواب أهل البنت
إذا قبلو أو لا

اووك اذا ما قبلوش قدر الله وما شاء فعل ....

أما إذا قبلو يروحو أهل الولد

ويتفقو على يوم ثاني يجوهم فيه هما والولد (العريس) باه يشوف البنت نظرة شرعية

[ندعوك للتسجيل في المنتدى أو التعريف بنفسك لمعاينة هذه الصورة]

والنظرة الشرعية هي أن يرى العريس في البنت ما يروه محارمها اي ابوها واخوها يعني بدون حجاب مثل ما تمشي فالبيت

هذا ما يقوله الشيخ محمد العرفي
اووك بعدها يرسلو الرجال من أهل الولد الي بيت البنت بااه يتفاهمو
معاهم لكي يثبتو الكلاام ويعلنو فلانة لفلاان....

[ندعوك للتسجيل في المنتدى أو التعريف بنفسك لمعاينة هذه الصورة]

وبعدها يتفق العريس والعروسة على موعد الخطوبة

اذا كان بإمكان العروسة تسوي حفل خطوبة

[ندعوك للتسجيل في المنتدى أو التعريف بنفسك لمعاينة هذه الصورة]

واذا ما قدرتش معليش يجو ويلبسولها خاتم الخطوبة .... الخ

انا رايحة نحكيلكم لو العروسة تسوي حفلة خطووبة

لكن في اللقاء المقبل ماشي ضرك هههههههههههههه :p






يتبـــــــــــــــــــــع ههههههه

[ندعوك للتسجيل في المنتدى أو التعريف بنفسك لمعاينة هذه الصورة]

سلام

نسيتي لبوكي تاع الورد و إذا ماجابوش .............
في الجزائر العاصمة , البليدة ....هناك ما يسمى الملاك و يتم قبل حفل الخطوبة إذ يحضر العريس الورد الباتسري و خاتم التملاك و يكون هناك حفل يحضر فيه أهل بيت العريس و العروس فقط ( على الضيق ) اعلانا أن البنت من نصيب فلان و من ثم تتم الخطوبة

شكرا على المجهودات

جزاكم الله كل خير على المرور

هههههههه

نحن في الانتظار

استناي اماني ههههههههههه

هههههههههه


راني نسنا وصابرا وناكل في الكصبر هههههههه

ههههههههه مليح بصح زيدي كملي يا اختي

ملاك النور كتب:

نسيتي لبوكي تاع الورد و إذا ماجابوش .............
في الجزائر العاصمة , البليدة ....هناك ما يسمى الملاك و يتم قبل حفل الخطوبة إذ يحضر العريس الورد الباتسري و خاتم التملاك و يكون هناك حفل يحضر فيه أهل بيت العريس و العروس فقط ( على الضيق ) اعلانا أن البنت من نصيب فلان و من ثم تتم الخطوبة

شكرا على المجهودات

وي راني عارف بلي صحاب العاصمة ميش كيما حنا انتم خرجين وحدكم