ماهذا ياادارة نتمنى من الجميع الدخول رجاءا

السلام عليكم
اسعد الله مساؤكم اعضاء وصحا رمضانكم

موضوعي هذا موجه للإدارة خصوصا ولباقي الأعضاء عامة

جماعة مافهمتش حاجة قد ماحاولت نفهمها مافهمتهاش علاش حذفتو موضوع حمزة الي عليا بدون سابق انذار
يعني نلتو مني كفاية ونحيتوه علاه خترتو هاذا الوقت ونحيتوه ؟؟؟؟؟؟؟؟؟؟

انا منيش طالب تحذفوه بعد ماقستوني في شرفي وشافوه كامل الأعضاء والا اذا كان ذاك مقصودكم يقراوه كامل الأعضاء وتنحوه

علاه كي بديت نجيب في الأدلة اني مضلوم وبداو يتضامنو معايا الأعضاء حذفتوه والله ماحق عليكم
قررتو باه تحذفوه رايكم مي كان عليكم تخلو فيه اعتذار ليا ولكامل الأعضاء
انا بعد ماشاع الموضوع حبيت نثبت برائتي من خلال الأعضاء يعني يقراو ادلتي وهوما ينصفوني ضالم ولا مضلوم والا حكمو عليا ضالم نعتذر ليهم وليكم
واذا قالو مضلوم نطلب منكم اللإعتذار قدام الأعضاء ولو انو مايرجعليش شرفي الي قستوني فيه

نتمنى منكم توضحو الرؤية جيدا ليا وتبينولي واش راني نسوا معاكم باش نعرف مكانتي هنا وكفاش نمشي معاكم والا كنت غير مرغوب فيا ثاني خبروني واقسم بالله وراني صايم غير ماتزيدو تشوفوني هنا كامل وكما تعرفنا بالملاحة نتفرقو عليها

وتأكدو بالي لو كنت ابن حرام وناوي الخراب لكنت فعلتها من زمان
واسهل شيء نبعثر المواضيع ونفرغها من محتواها ونبدل مافيها ونكتب كل مايجول بخاطري ميش مواضيعي انا انما كامل المواضيع ونكتب كلام لايقال على السنة بعضكم
حتى اني كنت قادر باسم حمزة ونقول كلام في مصلحتي وانو هو الضالم
علابالي بالي تقولي كفاه؟؟؟؟ نقوللكم كفاه

انا لحد الان لازلت مراقب عام ولدي كل الصلاحيات كفاه ؟؟؟؟
نخبركم كفاه الي رجعني عضو كان فرحان بزاااف بيها وقايستنالي فيها لدرجة انو نسى الغاء صلاحياتي كمراقب وركض نحو تغير رتبتي ههههههههههههههه ناسيا الأهم والمهم الغاء الصلاحيات

عيش تشوف


المهم وضحو ماتطمحون اليه وفهمومت وهنونا

ونتمنى بزااااف بزاااااااااااف من الأعضاء يقومو بدورهم كاخوة واسرة ومايتجاهلوش الموضوع كالي شيء ماصرا

صحا فطوركم ورمضانكم وتقبل الله صيامكم والسلام عليكم

السلام عليكم
اهلين اخي بلال الموضوع حذف لتفادي المشاكل
وواحد ما ظلمك ولا خانك بلال انت خالفت القوانين وانت تعرف ذلك
صدقني بلال على نفسي انا احبك اخي واذا حاب تكمل في موضوعك هذا اعذرني لاني لن ارد فيه
تقبل الله منا ومنكم الصيام والقيام
وصحااا فطوووركم جميعا سلاااااااااام

ريم كتب:

ههههههههه بلالـ
حرقتلي قلبي ولا يهمكـ
رانا كاامل ضدكـ وما تخممش
تقبل مروري ههههه

اولا ريم مانيش عارف مقصودك والا راكي تقصري مانيش في وقت قصرة راكي كبيرة كوني عاقلة او وازنة ماشي جايحة
ثانيا ماتهدريش على فم الناس ربي عطاك فم واحد وهو ليك احكي عليك
وهاهاهاهاهاهاها ماككش تضحكي

او لوكان نصيب ميش قلبك برك


نقولك حاجة انت يالفاهمة
قامكان تلعبيها حاجة ولا راكي مشرقة راكم قاخضرة فوق الطعام غالبكم
راني كنت كما انت واكثر منك ومكانش خلاص الي يخدم في خدمتو الا ساعات الإدارة تقوم بالواجب
ياما كاين مواضيع مكررة وياماكاين مواضيع خاطية اقسامها
وانا الحمد الله سقسي الإدارة عليا كنت مايفوتش عليا موضوع الا وعدلتو واصلا كنت رايح نبدا نطير في المشرفين الي بلإسم برك ونبدلهم بأخرين صح يستاهلو

مصطفىABS كتب:

السلام عليكم
اهلين اخي بلال الموضوع حذف لتفادي المشاكل
وواحد ما ظلمك ولا خانك بلال انت خالفت القوانين وانت تعرف ذلك
صدقني بلال على نفسي انا احبك اخي واذا حاب تكمل في موضوعك هذا اعذرني لاني لن ارد فيه
تقبل الله منا ومنكم الصيام والقيام
وصحااا فطوووركم جميعا سلاااااااااام

وعليكم السلام اخي والله يسلمك

شوف خويا مصطفى راني معاك فيها الموضوع جاب المشاكل اكثر من الفايدة اصلا مكانش الفايدة فيه
وانا مانيش معارض حذفو انما الوقت الي حذف فيه يعني علاه كي حللتكم تحذفوه لا من رد ونهار الي طاوعتكم فيه بديت ندافع عن نفسي حذفتوه هنا الدوخة
وماتبدروش تقلبو فيا بخالفت القانون يخي من زمان قلتلكم عندكم الحق وعاقبتوني وتقبلتها بصدر رحب موش ذاك هو الإشكال لازم نعرفو الإشكال وين راه نحلوه
المهم مام انا مانيش حاب يطول ذاك الموضوع انما نستنا في تبريرات منكم تبرر خلفية الموضوع وهدفكم من وضعه كما راني نستنا في الإعتذار قستو في شخصي بزاااف
وحاب منكم تبينولي واش راني نشوا او بصفة واش راني معاكم ورايح ترجعوني كالسابق ولا لالا

من فضلك اخي وباركك الله اعطوني كلام واضح ومفيد تعبت من التريبلاج نتاعكم اخرجولي فيها

واحبك االله ومام انا والله راك عزيز عليا بزاااف ومازالني نحبك وماصرا والو الي في المنتدى في المنتدى برم دون اي ضغينة انما ماستحسنت سكوتك الغريب في قضيتي وتجاهلي تماما

صح أخي بلال انت غلطت و اعترفت بغلطتك و الادارة عاقبتك و لكن مش من حق أي واحد غلط تفضحوه و من حقك انك تبرر موقفك
و كان على الادارة انها حذفت الموضوع من الاول قبل مايوصل الى ما وصل اليه الان
و هذا رأي في الموضوع
تقبل الله صيام و قيام الجميع

هديل كتب:

صح أخي بلال انت غلطت و اعترفت بغلطتك و الادارة عاقبتك و لكن مش من حق أي واحد غلط تفضحوه و من حقك انك تبرر موقفك
و كان على الادارة انها حذفت الموضوع من الاول قبل مايوصل الى ما وصل اليه الان
و هذا رأي في الموضوع
تقبل الله صيام و قيام الجميع

اللهم امين وباركك الله على تدخلك الجميل
وصدقيني ياختي قاضرك صايي نسيت ذاك الموضوع حتى وقاسوني في كرامتي
حاب منهم برك يبينولي واشنو انا معاهم يعني رجعت المياه لمجاريها ولا مزال راح نرجع كما كنت ولا اصلا غير مرحب بي

انا رح نحكي بصراحة

شوف بلال انت انسان رائع وفي نظري ولا اروع ماكانش مثلك لطيف و ناس ملاح وراك مثل اخي بعد

مادامك انسان اكيد رح تغلط خويا وماراكش معصم عن الخطا مثلك مثل اي شخص اخر

وهوما تاني يغلطو كيما الادارة غلطت ودارت الموضوع هاداك يعني راكم متعادلين وكيف كيف درك واحدة بواحدة كيما يقولو

ونتمنى نتغاظاو شوية باه نحافظو على منتدانا لانو هكدا رح يكون مصيرو التشتت

سلآم

*nour* el houda كتب:

بسم الله الرحملن الرحيم
...........حقيقة انا اول ما قريت الموضوع يعني صدمني بزاف ولزاد صدمني فيه ......بلال ومع وحد الانسانة ربي سمحني رانا في شهر مبارك نتاع الصح منحملهاش بصح من رغم ذلك تبقى خونا بلال وتربطنا علاقة الاخوة وهدي هي ربي يهدي ما خلق ... صياما مقبولا وذنبا مغفورا ان شاء الله .

باركك الرحمن اختاه هاذي الهدرة الزينة
والي فات مات وشكرا لمشاعرك الصادقة

حيـ الروح ـاة كتب:

انا رح نحكي بصراحة

شوف بلال انت انسان رائع وفي نظري ولا اروع ماكانش مثلك لطيف و ناس ملاح وراك مثل اخي بعد

مادامك انسان اكيد رح تغلط خويا وماراكش معصم عن الخطا مثلك مثل اي شخص اخر

وهوما تاني يغلطو كيما الادارة غلطت ودارت الموضوع هاداك يعني راكم متعادلين وكيف كيف درك واحدة بواحدة كيما يقولو

ونتمنى نتغاظاو شوية باه نحافظو على منتدانا لانو هكدا رح يكون مصيرو التشتت

سلآم

الله يخليك سارة انت الأروع كلك على بعضك
صدقيتي مام تقست بزاااف فيه مي ماعليهش مالفين نتغاضاو ونسكتو على حقوقنا
الي حابها نعرف واش راني انا مع المنتدى اواش وليت بينكم هذا شغلي الشاغل الان

ما تكسرش راسك خويا انت مكانتك كبيرة بيناتنا وراك واحد منا وفينا سواء انا ولا البقية كيف كيف انت عزيز علينا كامل و نحبوك كامل

وكون متاكد راك عزيز علينا وعلى المنتدى

ونسحقوك بزاف انت وافكارك الذكية

حيـ الروح ـاة كتب:

ما تكسرش راسك خويا انت مكانتك كبيرة بيناتنا وراك واحد منا وفينا سواء انا ولا البقية كيف كيف انت عزيز علينا كامل و نحبوك كامل

وكون متاكد راك عزيز علينا وعلى المنتدى

ونسحقوك بزاف انت وافكارك الذكية

مرسي ريحتني بزااف كلماتك وربي يخليك

صدقوني ماكنتش حاب يكبر الموضوع وكنت متمني العكس تماما وكنت متوقع ترجع المياه لمجاريها سريعا

وكانت عندي اهداف وافكار ياسر خصوصا في رمضان
مسابقات دينية وماالى ذيك
والأهعم كنت حاب ندير مبادرات خيرية لليتامي والمساكيبن والفقراء

وجمع امول نشرو بيها مختلف المتطلبات للأطفال في المستشفيات بمناسبة العيد

مي الله غالب ماجاتك قدقد شافها ربي بلااك هاكذا خير

ومازلت نطلب من الإدارة توضح الصورة ؟؟؟ لماذا هاذا السكوت

يقولك الفاهم يفهم بالغمزة

بارك الله فيكم على كل حال ماحبيتوش عالأقل تردو عليا لأنو علبالكم بالي ضالميني

هاني رايح ونخليكم لوحدكم باش يريح مني بعض الأشخاص الي درتلهم مرض القلب مؤخرا وجعلتهم خائفين على كراسيهم ومتأكد انو السبب الواضح والوجيه ليس سوى غيرة من شخصي

ربي وكيلكم يالي خنتوني في أول فرصة ونسيتو سنين معاكم ووفي لمنتداكم رغم كل الإغراءات والسقطات التي عانى منها المنتدى كنت دايما حامي ضهوركم