وصفة من وصفات امي

اليوم قررت كل مرة نجيبلكم وصفة من وصفات امي
المجربة والمضمونة للتجميل
واللي احنا كامل مجربينها وفادتنا بزاف
خصوصا وقت المناسبات
وهذا اول قناع اليوم
قناع لتبييض المناطق السوداء


كل اللي تعاني من كثرت المناطق السوداء في جسمها
تقسم حبة القارص الى 2 او 4 ارباع
وتدير فوقها الكربونات اللي نستعملوها عادي تعمرها مليح وتحك بيها
كل المناطق السوداء فجسمها
سواء الركبتين او المرافق او تحت طوابقك
وحتى نستعملوه للاسنان ونحكوا مليح ونكرر العملية حوالي على الاقل مدة 5 دقائق او اكثر من ذلك
ولا نغسل بعد هذه العملية
نمسح فقط كل المناطق بعد ان يجف القارص
اما الاسنان تقدري تمضمضي فمك بعدها
ومش لازم تكون حبة القارص جديدة لا تقدري بعد ماتستعمليها فالعصير ومتعصريهاش مليح بزاف تخلي فيها شوية من اللب نتاعها
تحافظي على نظافتها ولا تحطيها فالثلاجة
وقت ماتقدري تستعمليها
وايضا اذا ماتوفرت الكربونات تقدري تستعملي القارص وحدوا تحكي بيه كل المناطق في جسمك

والاكيد ان هذه الوصفة مجربة ومفيدة ومضمونة النجاح
وبصراحة السر الحقيقي لنجاح اي وصفة هو الاستمرار
حاولي تجدين طريقة تحثك على المداومة
او تقرري وقت معين يكون مخصص للقناعات
مثلا اختاري وقت اللي تكوني جالسة على الكمبيوتر وضعي قناع للوجه وماتحسيش بمرور الوقت حتى تكوني استفدتي امرين النت والتجميل
ان شاء الله تسفيدوا منوا
جربوه واكيد راح تستفادوا باذن الله
ادعولي لامي ربي يشفيها وطول في اعمرها

شكرا وصلي تميزك

اسجل اعجابي
مشكورة [ندعوك للتسجيل في المنتدى أو التعريف بنفسك لمعاينة هذا الرابط] واصلي تميزك ولا تحرمنا من جديدك

وصفة استفدت منها ربي يجيب شفاء العاجل لامك ويطول في عمرها
تسلمي تمتومة

مشكورة اختي وربي يشفيلك مماك

شكرا اختي علي الوصف

ربي يشمي امك ان شاء الله في اقرب الاجال

انشاء الله الشفاء العاجل لولادة ولكل الامهات يارب

بارك الله فيك على الافادة

ربي يخلي كل الامهات على روس العايلة