أماني والفوتوكوبي

خيتكم أماني أول مرة تحط موضوع هنا , وهو ماهوش موضوع معمرها قلبي ولا مقلقها وخلات مي راه يدور فيه برك ههه وحبيت نخليكم تشوفو تبهديلة خيتكم

المهم قصتي صارت في سيبار , أنا رحت ندير في فوتو كوبي ( صورة طبق الأصل) على ايات من كتاب التربية الإسلامية نتاعنا , خطراكش أستاذة الشريعة نتاعنا طلبت أننا نديرو لهم فوتوكوبي ونلصقوهم في الكراس , المهم أنا دخلت للسيبار وعطيت للي شاد السيبار يدرلي الفوتوكوبي مالا جا داخل شيخ مش شيخ شيخ مي راجل كبيير قامع عطيتلو لكتاب (لمولا السيبار) ويبدا الراجل يرخس في خيتكم ماخلالهاش علاه توقف , قاعد يقلي : انتم هاذا الجيل اللخر تعرفو غير التحواس والبورطابلات والانترنت والقراية والو لقراية صح كانت في وقتنا مش تاع دكا ماكم قادرين تديرو والو تظلو غير تتكاسلو .. وانا مانيش فاهما أصلا وعلاه راه يعيط وقاعدا غير نخزر وحابسة ماعرفت ماندير والقاشي تاع السيبار كامل يتفرجو والي دايرين كيتمان نحاوهم وبقاو يسمعو ومبعد فهمت وعلاه راو يعيط بعد وحد 10 دقايق ترخاس قلي دروسكم صفيحتين ياربي ماكمش قادرين تكتبوهم وبالمناسبة كان هو جايب كراس بنتو يديرلها فالفوتوكوبي , قلي هاي حتى بنتي بعثتني نديرلها وباه تكتب لالا وبديت أنا نقلو عمو يقاطعني نقلو لالا يزيد يقاطعني المهم ماخلانيش نتنفس ولا ننطق كلمة وانا فهمت بلي راه السيد مقلق من بنتو مالا لقاني انا باش يفش روحو المهم بعد ماكمل ترخاسو كامل شرحتلو وعلاه راني ندير في الفوتوكوبي , وتأمنو بلي كذبني ( ماصدقنيش) قلي مكانش استاذ يطلب فوتو كوبي , وثم تدخل طرف (مولا السيبار ) المحامي للدفاع عني وقلو لالا الحاج راهم الاساتذة تاع دكا يديروها نورمال , ومبعد بدا يستسمح مني وقلي : حسبتها غلطتك , اسمحيلي بنتي وروحنا بعد ماضحكنا القاشي وفرجناهم , ومن ذاك النهار اعتزلت أني نروح ندير فوتوكوبي طول نبعث ختي الصغيرة


سلاااااام أعضاء

ههههههههههه المسامح كريم اختي

هههههههههههههه الله يهدي

ahmed lamo bou saada كتب:

ههههههههههه المسامح كريم اختي

أكييييييييد مي ماقلتش بلي راني حاقدة عليه حطيت القصة برك
شكرا على المرور أخ أحمد

سمية البوسعادية كتب:

هههههههههههههه الله يهدي

اميييييين خيتي
نورتي مرسي

ههههههههههههههههههه
تستاهلي
راني نضحك برك حنونتي

اممممممممممممممممممممممممين

هههههههههههه

والله عندو الحق

الجيل المجلجل مش قادر يكتب درس

هههههههههههههه

ههههههههههه ... وولله فووووووووور بزاف .. غير تخباي

شكرا للمرور أخي عثمان

العفووووووووووو اماني خيتو ..

نقولك الصح أماني ننحييك على شجاعتك قعتي و سمعتيلو و هو يقولك هذا الكلام
أنا عكسك تماما أنا منحملش واح يقولي هذا المحاضرة كامل و الناس قاعدة تسمع
انا لو كان جيت في بلاصتك نروح و كي روح السيد نرجع
على كل حال ربي يهدي ما خلق أماني

لاباس مام انا ماكنتش عارفة بلي راه عندي قدرة على التحمل ديما نقول راني مانقدرش مي الحمد لله الي صبرت عليه

اميييييين

نورتي حنونتي هديل