رمضام مبارك وكريم وكل عام وانتم طيبين ياطيبين

 

احبائنا واخواننا سواءا القدامى ام الجدد الذي سررت بالتعرف بهم او الذين لم يسعفني الحض بهم


نتمنى تكونو في احسن الأحوال

حبيت نسلم عليكم ونباركلكم ونهنيكم بمناسبة دخول الشهر الكريم شهر الرحمة والتسامح شعر التوبة والغفران كفاه مانتفكرش فيه حبابي

باش نبدا نذكر فيكم بلإسم وبالواحد ونسالكم على بزاااف حوايج حاب نعرفهم منكم نكذب عليكم حبابي بزاااف هنا وكل واحد عندي معاه بزااف حكايات

نتمنى انتم في انفسكم كل من له علاقة بيا يطمني هنا على حالو وعلى جديد اخبارو

نتمنى منكم تكونو سامحتوني وتسامحوني على قطع علاقتي بكم كل هذا الوقت الله غالب جات من فوق يدي
وبالنسبة للي تفكروني سواءا من بعيد او قريب مقدر جدا جدا اهتمامكم بيا واخص بالذكر هديل ومن بعدها سارة ربي يخلينا احباب ان شاء الله

عندي بضع اسئلة : هاجر واش دارت فيها , سارة ورحمة جابو الباك ولا لالا وبكم , ملاك هل من جديد عنها ,اسد الجزائر : واش رايك في بوسعادة
ريمة : كيف حالها لطالما كنت نستمتع بأشعارها , ونقدم اكبر التحايا والتقدير :لخديجة اسيل لمواقفها الرجولية والرائعة خيرك ماننساهاش مانيش ناكر الخير , مصطفى : كل احتراماتي لك ونتمنى تسامني في اي حاجة ممكن درتهالك ,رسول : نتمنى يارب يحميك وعايلتك وبلدك وترجع امنة مستقرة , حمزة 22 وكيلك ربي يالغيار واقعد فيها وحدك بسبتك تفرقو الأحباب وبقا المنتدى خالي الوفاض بعدما كان من اوائل واسعد المنتديات يامحب الحكم احكم روحك ضرك

موح والهادي حبابي ومزالو حتى اليوم سامحوني في كلشي ولا الله لاسمحتو ههههههههههه
سيمو درتلي هدات ماننساهمش طول العمر رغم بعض التحفضات هههه الا انك راجل وطالما لقيتك كي حتجتك ربي يخليك
ياسين زياية : طالما انتضرنا اعتزالك هههههه ياسين حبيبي من لكبار مزالو يسقسي عليا ومتذكرني بالخير وقلبو ابيض وكبير حبس من النفخ شوية برك ههه


والبقية يعذروني راني صايم ههههههه والله كلكم في القلب

اسف لتراجع اسهم المنتدى والذي كان يقارع الكبار لكن لما تتغلب المصالح الشخصية عالمصلحة العامة فلا تتوقع الا الإنهيار
اسف اسف لكل من اخطأت في حقه اسمحلي في رمضان التسامح والغفران


بارك الله فيكم وبكم وجمعنا واياكم في جنانه



صحا فطوركم ورمضانكم وتفوتوه بالصحة والهناااااااااااااء

مبرسي على الموضوع المميز
يعطيك الف عاافية

مشكووور اخي

ياسين زياية : طالما انتضرنا اعتزالك هههههه ياسين حبيبي من لكبار مزالو يسقسي عليا ومتذكرني بالخير وقلبو ابيض وكبير حبس من النفخ شوية برك ههه


ايه قلبي معمر عليك وكي خرجت انت من المنتدى وليت بطلت لاعتزال وكون ترجع انت انا نعتزل
الهم الحمد لله لراك لاباس
ومرحبا بيك في منتدى بوسعادة
بصح اعقال شوية

سيمو درتلي هدات ماننساهمش طول العمر رغم بعض التحفضات هههه الا انك راجل وطالما لقيتك كي حتجتك ربي يخليك

باين عليك وليد فملية ... غير ناس تضلم فيك
نورت المنتدى خويا بلال
ورمضانك مبارك

شكرا لكل من زار موضوعي واطل علي بجمال كلامه وطيبة قلبه

عيدكم مباااارك وسعيد

اهلين اهلين يالغالي اه شحال توحشتك يا خويا

ايه انا و رحمة جبنا الباك انا 11 و رحمة 12

و انت واش اخبارك واش الغيبة هاي كامل توحشناك والله وامونة واش راهي

waaaaaaaaaaaaaaaaaaaaaaaw

يالا فرحتي الكبيرة اليوم بكمماااااااا
والله فرحتي كبيرة بيك ياختي العزيزة والله قلقتوني عليكم دايما نسقسي او والو حتى درت موضوع علاجالكم

ربي يدوم النجاحات يارب
بلغي رحمة تحياتي وباركيلها في بلاصتي

اهلا وسهلا بلال

اهلا وسهلا بك اخي بلال
 نتمنى منكم تكونو سامحتوني وتسامحوني على قطع علاقتي بكم كل هذا الوقت الله غالب جات من فوق يدي
هنا طلبت سماح من لاعضاء المنتدى
حمزة 22 وكيلك ربي يالغيار
هذي الكلمة ميقلهاش عضو متأدب
واقعد فيها وحدك بسبتك تفرقو الأحباب وبقا المنتدى خالي الوفاض بعدما كان من اوائل واسعد المنتديات يامحب الحكم احكم روحك ضرك
المنتدى راه احسن من كان الحمد لله بفضل الله وسيمو وحمزة ومصطفى راه طهر من ذأب البشرية
اسف لتراجع اسهم المنتدى والذي كان يقارع الكبار لكن لما تتغلب المصالح الشخصية عالمصلحة العامة فلا تتوقع الا الإنهيار
اسف اسف لكل من اخطأت في حقه اسمحلي في رمضان التسامح والغفران
لا لم يتراجع المنتدى المنتدى في احسن احوالووو
وكل عضو بضروفو الخاصة
وانت اكيد راك متمني يكون المنتدى في اسوء احوالووو
رمضانكم مبارك