واش رايكم خاوتي

السلام عليكم ورحمة الله وبركاته


بدون اطالة نحكيلكم قصتي

انا شاب عمري 21 سنة تعرفت على فتاة منذ عامين ونصف
كانت معها علاقة ممتازة ... لكم بعد اكتشفت انها تبدلت عليا وتكذب عليا بزاف
انا وعدتها باش نخطبها وعرفتها على كامل العائلة نتاعي ...
ولكن كان عندي مشكل وهو اني لازم نخدم لاش نجي نخطب

ومن بعد رزق ربي عليا بمحل لتقطيع الزجاج والمرايا ..
اكتشفت انها مخطوبة وانا معها

ارجو ان تعوطني رأيكم في هذه الانسانة الجميلة

مع العلم انا والله ماجرحتها بشي او خنتها مع وحدة اخرى



وشكرا ...

مرسي خويا عثمان هذي الطفلة ربي يهديها و يهدينا هذا ما نقول و ادعي ربي يفرجها عليك

همسات و أمني شكرا على مروركم

+

أماني انا احترم رأيك ... يعطيك الصحة خيتو الحبيبة

شكرا خيو , ربي يخليك ان شاء الله

خيو ياسين مع كل احتراماتي لرأيك الشخصي مي :

1) اماني  ضربات لكبار كامل يجو من لبنات راجل جامي يخون واذا خان يعني البنت متستاهلوش : هاهاهاهاهاهه قتلتني خيو خاف ربي وشراك تهدر ؟؟؟؟جامي يخون واذا خان خاطر هي تستاهل  ههههه  راك هايل خيو معناها اي طفلة تمت خيانتها هي تستاهل يخي مبدأ يخي

2) والله هذو لبنات نتاع هذا زمان يعني متحير ميجيك الحال بعيد يحبو المادة ويحبو الي عندو سوااااااااااااااااااااااااااااااااااااارد ؟؟؟ يا طفل وش راك تهدر راني وحدة منهم يعني مانسمحلكش تهدر كيما هاك اوكي ؟؟؟ اهدر على الي راها في بالك والي مقددتلك قلبك ماتجمعش ربي يحفظك خصص في هدرتك ووجه هدرتك عيب انك تظلم البنات كامل

3) قصة عثمان صح الطفلة غالطة مي مش معناتو انو البنات كامل شينات والليجان كامل ملاح

4) دير في بالك بين الزين والشين في كل بلاص وفي ليجان والبنات كاين الزين والشين والي يسوا والرخيس

5) يخي حالة عليها اكثريت لبنات بايرين : خيو البايرة بايرة في بيت بيها مش عندك + + البايرة مكتوب ربي هو قدرلها هاك + + اذا ليجان كامل  يخمو كيفك الوحدة تقعد بايرة خيرلها


وكلامك وترني صح صح جابلي ربي انت ثاني عندك قصة كيما هاك وعليها راك تهدر هاك مي مش لانك عندك ولا صرالك مشكل تهدر هاك

مرسي عليك ياسين خويا
+
هدا الموضوع للنقاش أرجو ان لا نخرج عن نطاق نتاعو ارجوكم


وتحياتي الخاصة ليكم في 2 (اماني + ياسين ) خاصة والاعضاء كامل عامة

ينبغي للعاقل – وهذا واجب شرعا – أن لا يحكم بما يبدو له من المتظلم وتشكيه وحده, وكما يقول المثل الذي مفاده أنه : " إذا جاءك متظلم يشكوا شخصا ويدعي أنه فقأ له عينا فلا تحكم له بدون أن تسمع من الآخر فقد يكون الآخر مفقوء العينين معا ".
ومهما بدت لك الحقيقة واضحة جلية من خلال السماع من طرف واحد فاعلم أنك يمكن أن تكون واهما .
وليس شرطا أن يكون الطرف الأول دوما كاذبا فقد يكون مخطئا فقط .
وليس شرطا أن يكون الطرف الأول دوما سيئ النية , فقد تكون نيته حسنة . إنك لن تعرف – في كل الأحوال – الحقيقة كاملة غير منقوصة إلا من خلال السماع من الطرفين .

لا تحزن ان خانتك فتات فان الفتاة كالطير تشرب من كل قناة

خو وكل عليها ربي وكايين حتى خير منها

خويا سلامة راسك المهم راسك خرج سلامات