كل وحدة فيكم تعقد و تنوي يلااااااااااااااااااا....

كل وحدة فيكم تعقد و تنوي و تختار رقم من 1 الى 20 بوقالة[IMG]


1-قوليلي نقطع لياس و لا نستنى وقتاش نتزوج و نولي كنة ، سمعت صوت جاني من الجنة ديري التصديرة
و ديري الحنة

2-ارمي الشبكة في بحر كبير يجيك فيها خير كثير ، ترش الورد و تتغطى بالحرير

3.اللي راهو في بالها هو في بالك و اللي تبغيها راهي على جالك و العدو بإذن الله راهوا هالك و اللي يخاف ربي راهوا ديما سالك

4.قلبك يهنا و ينشرح يسرح و تضحكلك الدنيا و تحن عليك و يجيك الخاتم بين يديك

5.أتوكل على ربي و دير الملزوم و نوي نية بالقلب المهموم شملك بيهم ملموم

6.إذا طاح الليل النهار راهو يطلع و إذا كثر النحاس الذهب هو اللي يسطع و سيرتك كي العطر بين الناس ، العقدة زينة و كي السلطان متربع

7.أنت شابة زينة فاتت على قهوة نوضت الغاشي و فاتت على مقبرة نوضت الراشي و فاتت على شير خلاتو مغاشي

8.فرشت فراشك بيدك و عفستيه برجليك و اللي غاب وراح و نساك راه ناوي يولي ليك

9.قلبي معمر و دمعي سايل و أنت حبيبي مرة تغرب و مرة تشرق شكيتك للغالي

10.بالبشارة بشرتوني و بالجنة زرتوني على الغالي إن شاء الله تهنوني

11.دارنا علات و شمسنا ضوات الطفلة اللي تحبها راهي جات و هي لالة البنات

12.عيطت على سيد الملاح صبت الناس رقود زعزعت الدالية طاح منها العنقود خلي لحباب تعود و كلشي بالمكتوب

13.عيونك زرقة و حواجبك زادتلي مشقة سمي باسم الله ما بيناتنا فرقة إن شاء الله يتسقم الحال و نديك يا عاشقة

14.إذا قنديلكم من الريح أنا قنديلي ضاوي و سعدي مليح كل ما تبنوا ساسكم يطيح و ساسي أنا سجالي الناس تشد في العبد و أنا نشد في ديما في ربي العالي

15.أنت يا القاعدة في لجنان و مدرقة زينك بغصن اللبان ما ولداتك سلطانة اسطنبول و لا سلطانة اليمن نطلب الله يجعلني بيك على طول الزمان

16.بركاك يا قلبي من البكاء واضحك لزمانك و اخرج بشاير الخير طلعت و ربي ردلي اللي كان راح و كي اليوم يزيان سعدي و نفوز بسيد الملاح

17.راني في وسط جناني السرّ و البهاء ريته بعياني راني راني حالفة بالرباني هذه المرة ما نأخذ غير البراني

18.يا لالّتي فاطمة يالالّتي فطوم سبحان خالقك ريت النجوم في السماء حسبتهم ساقك العين تبكي عليك القلب مشتاقك

19.السفينة اللي جات باش أنكافيها باللوز والسكر نطعم غاشيها وبالزباد والعطر نطلي سواريها ونطلب ربي العزيز للحج يدّيها

20.حبطت إلى قاع الجنان وفرشت زربية حرقست بحرقوس الذهب حتى الى وذنيّا افرحي يا يمّا سعدي ولّى ليّا نتشفى في العدو كما يتشفى فيّا.
متنساوش تقولونا واش جاتكمم

انا نبدا

15.أنت يا القاعدة في لجنان و مدرقة زينك بغصن اللبان ما ولداتك سلطانة اسطنبول و لا سلطانة اليمن نطلب الله يجعلني بيك على طول الزمان

فتاة الحزن كتب:

انا نبدا

15.أنت يا القاعدة في لجنان و مدرقة زينك بغصن اللبان ما ولداتك سلطانة اسطنبول و لا سلطانة اليمن نطلب الله يجعلني بيك على طول الزمان

الله الله عليك يابنية الحزن هههه

واحنا واش نديرو ولا نقعدو نقرعجو عليكم وصايي هههههههه

مليحة العبة

انا خيرت: 6: إذا طاح الليل النهار راهو يطلع و إذا كثر النحاس الذهب هو اللي يسطع و سيرتك كي العطر بين الناس ، العقدة زينة و كي السلطان متربع

مشكووووورة

وشباب مكاش ؟؟؟

لالا غير نتوما لازم تكونوا
شكرا على المرور

2-ارمي الشبكة في بحر كبير يجيك فيها خير كثير ، ترش الورد و تتغطى بالحرير

الله يبارك اختي الينا
شرفتي صفحتي جزاك الله كل خير

أنا

7.أنت شابة زينة فاتت على قهوة نوضت الغاشي و فاتت على مقبرة نوضت الراشي و فاتت على شير خلاتو مغاشي

شكرااااااااااااا