يا محمد بن سديد يا زعيم العرش تبكيــــــــــــــــك الدمعة

يا زعيم العرش تبكيت الدمعـــــــــــة ***وحتى الدم يسيل لكان ايفديـــــــــــك

كنت تضوي وسطنا مثل الشمعــــة *** حتى با لختام صنعت بايديــــــــــك

بعد الحجة ماسمع منك سمعة *** ورحت منضف شاهدة لاشهاد عليك

امن الجودة والكرم عندك صمعــــة ***وسيخى ييدك درق العيب اللى فيــك

16 جوان جا خبرك فجعـــــــة *** 11بعد الفين حكم الله عليــــــــــــــــــك

محمد بن سديد من رجال الفزعة *** عنا غاب ليوم يا عيني واش بيك

ما نجمش نخزر ك عندك الهجعة *** ما نجمت نزور صور يدور عليك

عنا رحت ليوم روح بلا رجعتـــــــة *** نطلبلك ربي ونصر للناتيتـــك

رحلت بلخميس متوالي الجمعة *** كل افراد العرش با لدمعة تبكيك

نطلب ربي يرحمك عند الرجعة ***حور الجنة تحضنك وتبشر بيك

عند المحمل كل واحد في رجعة *** يا مصعب لفراق مانقدرش نجيك

داوينا يا خالقي من هدي الخلعة *** صابتنا ذا النازلة والهربة ليك

صبر لوليدات من هاذ الروعة ***وتقبل دعوات كل اللي يدعيك

ال زعيم وودعاتو جماعة *** يتقبل ربي دعانا قع يجيك

عشت كبير ومتت في كبرك طبعة *** والمكتوبة كاتبة لازم تاتيك

جرحك في الاكنان ساكن فاضلعة *** واالي جاب خصايلك يتفاخر بيك

ذا عبد الرزاق يبكيك بلوعة *** ويصبر ربي حبابك وماليك

ما عندي غير دعاء ذا ما نسعى ***نطلب ربي يرحمك واللطف يجيك

الف والف وداع يا زين السمعة ***بالرحمة ربي يلفك ويغليك

الصلاة على احمد زين الطلعة *** يا خاتم الارسال صل الله عليك

الشاعر /بن نعامة عبد الرزاق
عين الملح في ..2011/06/16

شكرا سيموا وجزاك الله خيرا
اللهم ارحمه واغفر له يا رحمان يا رحيم

رحمك الله يا محمد
شكرا لك مصطفى على المرور نورت

» وفات رائس بلدية بئر الفضة .. الحاج محمد بن سديد..
» رائيس بلدية بئر الفضة / محمد بن سديد/ مريض ارجو له دعاء جزاكم لله خير
» حوار بين الدمعة و الخد
» حوار بين الدمعة و الخد
» الشيخ محمد الأمين بن محمد المختار الشنقيطي