ذكريات الطفولة ............ اطياف الزمن الجميل شاركونا

والله كنت محتاجة شوي ضحك نحيتولي على قلبي ربي يخليكم ان شاء الله
انا كيما كنت صغيرة صراتلي واحد القصة غير اسمعوها

كنت مع صحاباتي نمشو كنا صغار ما نعرفوش النية بكري ههههه
و احنا ماشيين في الطريق لاقاتنا واحد لعجوز قصيييرة و حالتها ما تتعجبش المهم
هاد لعجوزة قعدت تشوف معانا ومن بعد اعطاتنا شكارة قالتنا درك يفوت جدكم منا مدوهالو
احنا رفضنا في البداية و من بعد غير لمحناها لاحت يدها في الجيب و مازالت حتى ما جبدتش يدها
ياااااااااااو تشوفونا تقولو هدو جامي لا شافو حبة حلوة هههههههههههه
المهم اعطاتنا الحلوة و احنا احكمنا الساشي وقعدنا نستنو جدنا ههههه
فاتت ساعة ماعليش .............. ساعتين والله طول يا جماعة ......
وما تنساوش القايلة ودوخة الشمس ....واماتنا ادخل ينعل والديك هههههه.....
واحنا نستنو و نستنو ............ و من بعد طولنا بزااااف برا وزيد الغداء ما دخلش فمنا
حرشت ماما عليا بابا خرج وقالي ادخلي قايلة قايلة .....اسكت .....و من بعد كيما قلق عليا
حكينالو القصة انا وصحاباتي ايه ............وان وصلونا حبات الحلوة هادو ههههههههههههه
افتح بابا الساشي واش لقى فيها........................................
لقى صرة نتاع صوارد لورو نتاع فرنسا .......و بزاااااااااااااااف يا محاينك يا هاجر
المهم غير انا نمشي مورا بابا نلقى يد شدتني من كتفي وما نلقاه غير....................................
..
ماما تقولي ......... هاجر ..هاجر نوضي او راح عليك الحال نتاع القراية هههههههههههههههههههه
والله صراتلي....... الخلعة هدي كاااااامل وفي اللخر تعينت منامة وااااااااااااااع.

مشكورة اختي

انا في الصغر كنت واعر الي مايدرهاش بليس انا نديرها

انقز فوق السطح نصوني في الديار ونهرب اندير الي ماتدارش


والحمد لله عقال الواحد

مالا نحكيلكم حكايا كي كنت صغيرة كنا نلعبو انا وصحبتي شيراز مالا كان خوها كثر منا بعامين اسمو حيدر كنا ندورو مورا الباطيما تاعنا وحنا كاينة ورا باطيمتنا مقر تاع املاك الدولة امالا قال لنا حيد شيراز ندى انا ذوك نطلع فوق الحيط ونفتحلكم الباب كان العساس في هذاك الوقت حبط للفيلاج ومبعد قلنالو اوكي اطلع مبعد طلع وحلنا الباب دخلنا كسع للمقر تاع املاك الدولة ومبعد زاد لحقنا ولد جارنا صغير في عمرو عامين دخلناه ...........اسمعو بصح في المقر مكان حتى حاجة يعني خالي بدلو المقر من البلاسا هذيك كسع دخلنا لقينا المساطر والسيالات كراريس خلاوهم حكمنا جبنا ساشي ودرنا كل شي داخل وكي عدنا خرجين نسمع في بابا يعيط ندى ندى ندى كسع قلتلهم اش ذوك نذرق ومبعد نقولو بلي كنت في الفيلاج لكن هو او شافني محبش يدخل ومبعد مالقيتش كيفاه ندير خرجت وخلاص قالي واش هذاك الي جبتو في الساشي نعتنالو ومبعد ديت طريحة

نزيد نحكيلكم وحدة دايما كنا انا وصحبتي شيراز هاذي كانو عيطولنا المصايب تاع البطيما نهبطو التحت نلعبو لمارين وكانو ولاد جارنا اخرين صغار مساكم نحولهم الحشيش ونعطيولهم ياكلو ونقولولهم بلي راهي حلوة مساكن شبعو حشيش هههههههههههههه

ذوك نزيد نقولكم وحدة كنا في واعد النهار العرس تاع خالي رحنا انا وماما وكي وصلنا عن بيت جدي تغدينا ومبعد العشية خلاص هما يوجدو في القاطو تاع العرس قلتلهم اعطيوني قالولي لالا هاذا تاع العرس ومحبوش يعطيوني
وراحو درقوه في الشومبرا مسكرا بالمفتاح ومبعد وس رحت درت رحت للنافذة كان البرسيان مفتوح حكمت دفعت ليفولي هكذا ودخلت سرقتلهم باطا تاع القاطو كسع في لليل كي جاو يحسبو البايط لقاو ناقصة وحدة قاتلي ماما ماتكوني غير انتي يا ندى وديت واحد الطريحة تقتل هههههههههههههههههه.............ومزال بزااااااااااف تاع الحكايات يقتلو بالضحك لاني كنت واعرةةة بزاف متصوروش

هناك لغز طرح قي حكايات الكبار
احلى من اي شيء
ماهو؟
لعب الاطفال على الفراش
الله يمتعنا باولادنا امين
ويخفظكم لي اختي ملاك

[ندعوك للتسجيل في المنتدى أو التعريف بنفسك لمعاينة هذه الصورة]

والله صح الصداقة ما كانش قدها

كانت النية بكلري لا درك خاوتي واخواتاتي نسطرو ما اسطر ربي

خلي وخلي ما نحكوش خير

ههههههههههههههههههههههههه

واشراه فاتني الصغيرين نتاوعنا وانا ميش هنا هههههه
بصح والله ياملاك انا نقولك بالاك ماسقيتوهاش عنها ماصلحتش هههه

والله ياأنا كنت داير حالة الدار ميش سالكين خلاص خاصة كي يجي بن عمتي من مسيلة واحد المشرد لايشوفكم ونتلاقاو كيف كيف
هههههههههههه
نحكيلكم واحد القصة صراتلي من كنت صغير وتشوفو التبهليل نتاعي هههه

خطرة خويا لكبير يحكي مع عمي ويحكو عالصغر نتاعهم وانا نسمع فيهم
خويا قالو نشفا كي كنت صغير خطرا ابي جاب الحوت مالا رحت سرقت حوتات ودرتهم في الماء عمبالي يحياو ويعومو مالا قعدنا نضحكو عليه ومن بينهم أنا
مالا عمكم الداهية كي سمعتهم وخطرة جبنا الحوت رحت نجرب لكان راهم صح يعيشو
هههههههههههههه

ومازال تزيدو تسمعو معايا