حببيت نفرغ قلبي ونقولكم كاين بعض الاعضاء ميش عاجبيني في طريقة تعاملهم مع المنتدى

سلام رواد هذا القسم المثير
هذا ثاني موضوع ليا في هذا القسم في ضرف قصير على حساب القوانين عندي الحق في اضافة موضوع ثاني في اقل من 24 ساعة

هنا حبيت نوجه كلامي لكامل الاعضاء
عندي ملاحضة هنا بخصوص كثرة المواضيع

ياجماعة ياجماعة بصراحة هنا حبيت نفرغ قلبي ونقولكم كاين بعض الاعضاء ميش عاجبيني في طريقة تعاملهم مع المنتدى
ياجماعة مانحبش الشخص الي ينقل مواضيع كثيرة في يوم واحد الى منتدانا وحاب نقولو العفسة نتاع النقل من المنتديات كامل فايقين بيها ونديرو فيها بصح الاغلبية يتعاملو معاها بذكاء ميش لهواء الي يجي يديه ياحبيبي كامل نعرفو ندخلو للمنتديات
الا كان انت تنقل ستة ولاسبعة مواضيع في اليوم علاه تعيي روحك انا نروح نبحث في المنتديات ونشوفهم
يااخي واختي حنا حابين كل واحد ينقل موضوع او موضوعين عالاكثر كل يوم وحابين تكون مشاركاتك في الردود اكثر من مشاركاتك بالمواضيع انا واحد من الناس نعطي قيمة للي يرد اكثر من نضرتي للي داير للموضوع لانو بطبيعة الحال ذاك ناقل بينما الاخر يرد بوش كاين في قلبو
والي يكتب الموضوع من عندو ياسلام ولااروع
اخي اختي لاأقل لك هنا لاتنقل ولكن انقل برزانة قال انت قريت مواضيع قيس على قلبك وش هو الموضوع الي عجبك وحاول تطيح كل موضوع على شخصيتك ومن بعد جيبو لعندنا
ياحبابي وكان تبحثو قافي منتدانا راه البحث مايخلاصش نضمنلكم بالي مليئ بالمواضيع الرائعة وتزيدو ردود والله الفايدة فايدتين قريت في منتدانا او وفرت الوقت وزدت عدد الزوار وادخلت الفرحة لكاتب الموضوع
والله كاين لحد الان مواضيع مافيها ولا رد حرام والله حرام اخواني
مثلا مصطفى يجيبلنا مواضيع في الاسلام ومراد في البالو وسيمو على بوسعادة كما نقولو كل واحد يعودنا عالغالب برتم معين يعود الواحد فينا يحب يقصد نمط معين يقصد عضو معين ومكانش مشكل ساعة على ساعة تدير موضوع اسلامي ولا عام على حسب الحالة الشخصية نتاعك ماشي غير كوبي كولي
انا واحد من الناس مانديرش موضوع جديد حتى نتاكد اني شفت جميع المواضيع الجديدة ورديت عليها ياجماعة ولات تكلفني خافو فيا ربي ههههههههههه علابالكم بيا ميش مخلص نتاع الدار نروح للسيبار البارح في سابقة لحقتني عشرين الف خافو فيا ربي هههههههه ومن بعد نخير موضوع او اثنين ونديرهم ولاحضو بالي غالب مواضيعي في مجال الترفيه والابتسامة يعني منا تعرف شخصيتي بالي زهواني
انا ندخل نلقا فلان دايرلي موضوع ديني تحتو موضوع ترفيهي ومن بعد يدخل للدراسة ماتفهم والو تقول اينشطاين اينشطاين ويبرع قافي الفيزياء

نتمنى تكون فكرتي وصلتكم واعجبتكم ونتمنا مانكون قست واحد بكلامي الله غالب خليت قلبي يتكلم
وفي الخير رأيي صواب يحتمل الخطأ
في انتضار ارائكم الشكر كل الشكر لنسرين عالفكرة الرائعة والله خلاتنا نعيش باحاسيسنا في هذا المنتدى

سلااااااااااااااااام

السلام عليكم
اخي بلال رالك غالط في بزاف حوايج
ونضن لمنتدى فيه بزاف اقسام
وكل قسم ينسب المواضيع لطيح عليه
وكيما انا نقرى موضوع في منتدى اخر ونستفيد منو
ايا نديرو في منتدانا الغالي علينا باش يستفيدو منو لاعضاء
وزيد انت راك تقول على نقل المواضيع نضن مام انت راك تنقل في المواضيع
ومكاش واحد فينا مينقلش لمواضيع ونضن حاجة عادي نقل المواضيع
وشكرا لك على الموضوع
وانا هذا هو راي

كامل لاعضاء ينقلو المواضيع من منتديات اخرى
وهذي حاجة عادي
وبنسبة كل واحد يجيب موضوع على شخصيتو هذي منيش مععاك فيها لانو يقدر يجيب موضوع ولا زوج على شخصيتو ماشي يجيب كامل المواضيع على شخصيتو
وهذا لمنتدى فيه اقسام ومن حق ايو عضو يشارك في ايو قسم
ونشكر لاعضاء لراهم وقفين معانا من اجل تطوير هذا المنتدى الذي يجمعنا كا اخوة
وشكرا لك على الموضوع اخي بلال هذا هو راي والله واعلم

اخوتي موح وارونج ذاك رايكم ورايكم يحترم
ربما مافهمتوش رسالتي اكثر

والف شكر ليك مراد والله كلامك عطاني دفع كبير خاصة بعد ماتناقشت فيها الصباح مع بعض الاعضاء
مافهمونيش وش حاب نلحق

وفي الاخير يبقا رايي صواب يحتمل الخطا في انتضار اراء باقي الاعضاء