قــارنــو كيفاش يسلفو الـــدراري و البنــات الدراهم من بعضــاهم...

.
البنـــات :
... ... ... ... ... ... مثـــلا فــاطمة و حـــنان :
.
.
فــاطمة : آلــــــــــــو حنـــونة.. لاباس حنونتي ؟؟؟
حنـــان : فـــاتـــي العزيزة تاعي توحشتك شيغي...
فــاطمة : يتــوحشك الخير والربح حبي... نتمــنى تكــوني حتى انتي بخـــير...
حنـــان : بخير الحمد لله يا الغزالة ربي يخلـــيك ليا...
فاطمة : حنــــونتي بغيت نطلب منك سرفيس صغير ... و حشمت منك والله...
حنــــان : يا ويلي ؟؟؟ ما بينــاتنــاشيا فــاتي... طلبــي مني عيــــني نعطــيهـوملك... انتي غير اطلبي ؟؟؟
فــاطمة : الله يخلـيك ليا يا مومو عينـــيا... بغـــيتك تسلفــيلي مياتلف... و نردهملك السيمانة الجــاية ان شاء الله...
حنـــان : اسمــحيلي يا العميرة و الله خــتك راهي مسنترة.. دورو ما عنديش .
فــاطمة بينهــا و بين روحها(تفــو نــدمت لي عيطتلــك... وين عمـــرك درتـــيلي مــزية... ينــعل بــوها صحبـة )
...
...
...
...
نشــوفو الــذراري ضركا :
ما كاش علاش نــديرو الأسماء حتى واحد فيهم ما يستعمل الأسماوات...
.
.
آلــــــــو بــوراس...
واش راك يا الفرد ؟؟؟
خير منك يا راس الحمــار...
.. واش عندك شويا صوارد يا المونقول ؟؟ رانــي مزير و مخصوص فريكات اللــه يخــليلك هذيك معوجة لحناك تاعك ؟؟؟
و أنا واش دخلني مزير ولا خاري واش ولدتك و نسيتك قالولك التريزور تاع الولاية أنا
يا خي أنت خويا من الفقر يـــا الكلب...
شحــــال خـــاصك يا الشادي؟؟؟
خــاصنــي ورقة خضرا (2000 دينار ) يا الشاريكة القادرة ...
جوز عندي للدار تديها يا الداب....
********************
تلقــى عنـــــــدو 1000 دينار و يجوز يسلف 1000 دينار وحدخرى من عند جارو ...و يمدلو 2000 دينار
*************
آآآآآآآآآآآآآه كـــــم نحــن عظــماء أيهـــا الشبــــاب
الرجولة لا تقدر بثمن

يالكدب ياه هههههههههههههههههههه

حنا خاطينا ولا نقلك ايه تقدر تقول صح يعني حنا بنات والخدمة ما نخدموهاش منين يجيونا الدراهم وزيد حتى حنا نديو من عند خاوتنا يعني الله غالب ههههههههههههههههههههه بصح والله تكون عندي وتصحقها صحبتي نمدهالها ماشي مشكل بصح وحدة من وحدة

يعطيك الصحة بصح نقولك في حياتي ما شفت راجل كريم كامل مشحاحين

ايا شوفي انا اليوم مزلوطة عليا ونشوفو شكون ضرك يمدلي الدراهم ههههههههههههه

انتوما لبنات ولا الذراري
ايا بينو قفازتكم

انا نمد لخويا قداش تحب ههههههههههههههههههههههههههههه

ههههههههههه اوكي الحقيقة كرشي صغيرة ومانحتاجش بزاااف

برك خــاصنــي ورقة خضرا (2000 دينار ) وفليكسيلي عشر الاف وجيبيلي معاها البيس نتاعها
والا تجيبيلي البورطابل خوك مايقولش لالا ماتنسايش في طريقك باه تجيبيلي باطة شيكولا نحلي بيها




مرسي سرسورة الهدة تكفي وتوفي ويعطيك الصحة

ههههههههههههههههههههههههههههههههه

لالا مهورة بزاف عليك خليني انا نتكفل باوامر السي بلال اوك

انا نعرف واش تدير في بلاصت الورقة الخضرا نجيبلك حديدة صفرة و راك عارفها قداش ههههههه

و الشيكولا و لابيس و البورطابل عليا حنونة

كاشمة تحتاجي حنونة....بيني و بين نفسي يا رب و ما تبهدلش بيا و تطلبني فكاش حاجة...يا رب و تقولي مرسي ما نحتاج حتى حاجة رحمونة

هههههههههههههههه

مرسي بلالوووو موضوعك رااائع لكن الاروع انت