قضية جد حساسة ارجو الدخول,,,ان سئلت عن فتاة تعرفها ؟؟ هل هي بنت حلال ام لا؟؟

بسم الله الرحمان الرحيم


السلام عليكم ورحمة الله تعالى وبركاته

اليوم اخوتي حبيت نطرح قضية ممكن تصرانا كامل وهي قضية جد حساسة وموقف جد صعب

كما نعرف هاته الايام صار ايجاد بنت الحلال من المور الشبه مستحيلة ونفس
الشيء لابن الحلال وهذا ناتج عن ظاهرة التفتح وكثير من الامور التي
ارادها اعداء الاسلام وقد نجحوا في ذالك
بلا ما نطول ندخل طول فالموضوع
فرضا وانت جالس امام البيت او في الجامعة او في المقهى تلقى شاب جاك وريح قدامك وطرح السلام وسالك
اخي حبيت تصارحني الله يخليك ؟
انت تجاوب تفضل
يقولك انا راني حبيت نخطب فلانة جارتك او زميلة دراسة لك من القدم او
اخت صديقك او او او ....... المهم هو يعرف بلي انت تعرف الكثير عن هاته
الفتاة التي يريد خطبتها
لكن الشيء المؤسف انك تعرف انها ماكانتش كيما حاب هو فرضا انت تعرف بلي
خرجت مع كثير من الشباب و رايت منها اشياء كثيرة لا تريدها انت لزوجتك او
لابنتك او لاختك ورايت انها لا تصلح لك انت كزوجة
فرضا يقولك اخي انا راني سقسيت عليها 2 او 3 اشخاص والثالث ارسلني عندك
لانك درست معها لمدة لاباس بها او انك تسكن بالقرب من بيتها او او او او .
المهم راكم عارفين
في رايكم تصارح الشاب وتقولو بلي البنت كانت تخرج مع الشباب وبهاذا
رايح تتسبب في قطع المكتوب او نصيب البنت او كيما يقولوها تهرب العريس ؟
او انك تخبي عليها وتكذب عليه وتقولو ما شفت منها غير الخير وراهي بنت فاميليا ؟
او انك تدعي و تتظاهر انك لا تعرف عنها شيء وترسلو عند شخص اخر ؟
والله امر حساس جدا وكون تكذب تحس بالذنب وكون تصدق تحس بالذنب ماذا تفعل ؟
المشكل كون تكذب تخاف يدور الزمان ويكذبو عليك انت ايضا وكون تقول الصح تخاف تكون سبب في مشكل كبير سيرتو اذا مشات الهدرة
هههههههههه والله ما عرفت كيفاش نصيغ الموضوع المهم نتمنى الفكرة وصلت

اسف ان ارقتكم باسئلتي لكن خايف نطيح في نفس الموقف وما نلقاش جواب ولا نغلط
هههههههه راني قاري للزمان عقوبة ونوجد في الاجوبة من ضرك بمساعدتكم
مع اطيب السلام اخوكم حمادي

انا في رايي نقولو الحق وربي يسهل عليها لوكان بغات نصيبها وولد حلال صح راهي ماديرش المفاسدج في صغرها ونعتبروا عتاب وتقدر تقول عقاب غلى افعالها

لكن هنا تقدر تدير مشكل لنفسك وضميرك رايح يكون ماشي مرتاح وتحس وكانك وقفت في طريق سعادة البنت مع انها كانت صغيرة وبالاك ماكانتش وايعة وبانتلها هاذيك هي الدنيا
بصح ممكن عندك الحق باه تكون صافي مع ربي ومع نفسك وممكن كون تصدق القول مع الشاب يصقو القول معك انت ايضا نهار يجي تورك
علابالك والله تقول عليا راني فالموقف وما علاباليش واش ندير صح هههه
على كل حال الله يجازيك وبارك الله فيك orange

انتا اول حجا لمربحتها مع ربي تربحها مع العبد 1مع الله راك سترتها
2 مع العبد تربح الاجر منو
معناها لكنت نيتك صافيا متخافش ربي معاك كما يقالو في الحديث \والزنيين للزانياتي\
شكرا على الموضوع اخي

المشكل ليس هنا يا خاليلو المشكل في ما سيحصل بعد ذالك كون يكتشف العريس ان ما قلته كان مجرد هراء واني لم اصارحه
المشكل كون انا فرضا نغطي ونستر ونها نحب نتزوج يكذبو عليا انا كذالك يعني المشكل انو الكذب حرام وكون تصدق القول المصيبة تكون كبيرة وضميري ما يرتاحش
بارك الله فيك وجازاك الله كل خير

وقيل كتجي عاقب على واحد من الشباب
لكانت تخرج معاه واش يقول عليك يقول داها الجايح
وهي معيات تخرج معايا والله كبيرة هذي انا منرضهاش
روحي

HAMADI_H كتب:

المشكل ليس هنا يا خاليلو المشكل في ما سيحصل بعد ذالك كون يكتشف العريس ان ما قلته كان مجرد هراء واني لم اصارحه
المشكل كون انا فرضا نغطي ونستر ونها نحب نتزوج يكذبو عليا انا كذالك يعني المشكل انو الكذب حرام وكون تصدق القول المصيبة تكون كبيرة وضميري ما يرتاحش
بارك الله فيك وجازاك الله كل خير

ربي حلال علينا 4 وشوف ليخرج عليك هههههههههههههههههههههههههههههههههههه

SiMo_A كتب:

السلام عليكم
والله يا اخي حمادي وش تقول ماك في ربح
بصح انا واحد من ناس كون يسرالي موقف كيما هذا
ويجي يسقسيني راح نقلو يا اخي انا منعرف عليها والو كيما يقلك هذاك لمثل احفض لميم تحفضك
منقدر نقلو لبنت ماشي مليحة ومشات مع شحال من واحد
منقدر نقلو هذي لبنت مليحة
يعني منكونش سبة بيناتهم
وزيدي كيما قال لاخ خليل كلش بل مكتووووووووب
وشكرا لك على الموضوع

وعليكم السلام والاكرام
على حسب ما فهمت من ردك اخي اني فرضا لو وقعت في نفس ها الموقف ما نقولش واش نعرف ؟ا
لكن اشعر ساشعر بالنذب اتجاه ربي ونفسي و ربي
هل تريد ان اتظاهر بعدم المعرفة احسن ؟
على كل حال جازاك الله كل خير اخي سيمو وشكرا لابداء رايك ا وبارك الله فيك

مصطفىABS كتب:

موقف صعب جدا
انا رأيي انك تقول الحقيقة
واذا لم تستطع قول الحقيقة لا تكذب عليه
قلوا يا اخي انا ما عندي ما نقلك شوف واحد اخر
الله معك

راني فهمت من كلامك انو كون نطيح في موقف مشابه نقول الحقيقة ونخليها على ربي
بارك الله فيك وجازاك كل خير كلش بيد ربي
وكيما قلت ثاني انا نطلب على ربي انو ما يجي حتى واحد يسقسيني هذا ماكان هههههههه