خاطرة عالإنتخابات

يا قشي من هدي النهرات
نهرات الجري والإنتخابات
البلاد معمرة تصورات
مترشحين ومترشحات
في كل صورة تقرى اسموات
... ... هدا قال راني ندعم في الشباب والشبات
وداك قال نعدل البيئة والغابات
لكن قول نوفر السكنات
قولهم الشعب مهوش راقد هيهات
الهف والزف منو بركات
وينك يا صالح نعطوك كل أصوات
أنتخبنا مع الغني قولنا معندو طمعات
كي جا في الكرسي كل ليلة صهرات
رحنا لزوالي طلعناه طلعات
نسانا لهى بلعرضات
أحنا الشعب لينا الإختيارات
خافو ربي خليكم من الرشوات
نمشي نخمم شكون لنعطيه لصوات
هدا ولا هدا ولا ليجات
نصف لبلاد مترشحين ومترشحات
وشكون لينتخب هدي الدوخات
الأغلبية فاتحة بيروات
ديرينها كما جات جات
الصوت مهوش لعبة يحاسبك عليها رب الجنات
الشعب فاق هيهات هيهات
بزاف علينا كل لحظة إنتخابات
شرفو إنسان صالح
وديروه حتى للممات
ياسر علينا هدي الغلطات

نصف لبلاد مترشحين ومترشحات
وشكون لينتخب هدي الدوخات
كامل ترشحووو وشكون يصوت منعرف هههه
شكرا لك بلال قصيدة روعة

هههههه واش رايح انديرووو عمي سيموو

الشعب فاق هيهات هيهات



شكرا لك أخي بلال

ههههههههههههه هاذ الزمان يحيّر

نورتو بمروركم ومانعرف واشمن بنة بقات في الإنتخابات