مـادمـت تنـشـد يارفيقي عن الحال

............................

مـادمـت تنـشـد يارفيقي عن الحال
مالي على .. كتمانهـا عنك .. حيله

الصبـر عن بـوح الاحاسيس قتًـال
والبـوح في بعض الموااقف ، فشيله

لو كل مايطـري على البـال ينقال
ماكان شفت ان الثقيلـه .... ثقيلـه

ابطيت اكافـح ضيقة البـال بالبـال
وادفع بلا .. هاجوسهـا كل .. ليله

ليـن اقبلت مثل ... السحابه بهمـال
تشفي غليـل اللي ..... تزايد غليـله

طاحت ، ولاْوفق من حنـاياك منـزال
وابطلبك ... يابدر ( تكمى ) المخيله

ان قيل ترعـد .. قلهم : صوت زلزال
وان قيـل تبرق .. شف لهـا ادناة حيلـه

ماابي .. تناقلهـا هـل القيـل والقـال
وتصيـر من بعد القصيره .. طويلـه

يـابدر .. ماني عـال .. لو صحتي عـال
شفني مـن الصدمت نفسي عليلـه

اشيل حمـلٍ .. لو يشيلنـه .. جبـل
الله ، وامانه .... غيـر تصبـح نثيلـه

أرمي .... من هموم الزمن واسحب أدبال
وانـزل عن ( الجوكـر ) وغيري يشيلـه

من كثر ماشفت بحيـاتي من انذال ...!!
بديت اشك ان النذااله ... فضيلـه

ماطاح من عيني رجل ..!! طاحوا .. رجال
ورجال ( يابن حنيف ) ماهي قليلـه

اقـرب من اللـي قالهم ضمن مـاقال ..
راكـان بن حثلين .... راعي الجزيلـه

( هذا .. ولـد عمٍ ، وهذا ... ولـد خـال
وهذا .. رفيقٍ مالقينـا .... بديله )

سبحان منهو يابدر غيّـر الحال ..!!
وحط الجفا بين الخليل .... وخليله

هذا الزمن يبغالـه .. لسان دلاّل .. !
من يستحـي هالوقت .. واعزتي له

وقتٍ به ( الـراعي ) غدى .. راعـي دلال
كلٍ على طاريه .. ينفض شليلـه ..!!

ومن كان ساسه للـردى مضرب امثال
اليوم .. يحسب من كبار القبيله ..!!

المال .. يابن حنيف ملعـون .. ابو المال
.. ذل العزيز .. وعـز .. نـاسٍ ذليله ...!!

شكرا كريمو

خاطرة رائعة

يسلمووو كريمووو

شكرا كريم وصل تميزك

» قصة شاب ....دوام الحال من المحال
» وش حبيبي مصطفى معجبكش الحال
» ماشي الحال في عز الوجع تقال
» جزائرية و افتخر و اللي مو عاجبو الحال ينتحر و يكتب على قبرو منقهر