بسم الله الرحمن الرحيم
السلام عليكم و رحمة الله تعالى و بركاته
أعوذ بالله من قولة أنا
عيت نصبر في قلبي
عيت نصبر في قلبي ***** نطبع القانة نتبسم
عيت نردف و نخبي ***** شارب لمرار و كاتم
نحكيلك ما جاني في دأبي ***** و أسمع ليا ماني كاضم
أنصادقك و العالم ربي ***** و نعيدلك أسباب ذلسقم
زعمة هاني بين أحبابي ***** في زهو و ضحكات أمنعم
أنظرت و تلفت أصوابي ***** بخزرة غزال هايم
روضة سكنت أصعابي ***** واحة من وصلها يتنعم
ذلملاك أظهر قربي ***** و أقعت نميز و نخمم
هلكت شباب مع شيبي ***** و صياد لي حام يحوم
مهدور فلجبهة يخبي **** مظفور حرير متلايم
زينت لحواجب و الحدبي ***** في شوفتها تنطق لبكم
وجنات رمان و طيبي ***** ترهج من نظراتوا كي تتبسم
و الجيد معمر بالذهبي ***** كتاف و زند كي العظلم
راني زدت في غلبي ***** و هذ الهارب ما يتحكم
(دفلاوي) من أصل الغربي ***** بنت لخصلة أهل الكرم
فتيحة أسباب غلبي ***** و حجايا بيها تتغرم
هلكتني قوات أعذابي ***** مسلوب في كاس لحارم
زادت لحساد بغلبي ***** لفراق غدرة متحتم
عرفتهم فلعقل أغوابي *****الشر معاهم كي لفاصم
نرجة بلكاتبة في مكتوبي ***** كي راد في سعدي يسقم
من زمان معروف حربي ***** يالله بسيرتنا دوم
ندعيك خفف أذنوبي *****عزيز على الزين أمتيم
أقبل ذلدعوة ياربي ***** من غيرك ماليا يرحم
أحفظ شيخي أدبي ***** بلجوهر وافي متعلم
مول لجاه لي جاء صعبي ***** في الشده تلقاه يوالم
مول شان أمربي ***** يفتح لمربوط أمحكم
طايع من هو أدبي ***** طايع لجميع لي يفهم
نختمها بصلاة نبي ***** صلى الله عيه و سلم
موضوع: عيت نصبر في قلبي 
12/6/2012, 11:23
