دار المسنين

السلام عليكم ورحمة الله وبركاته


ياليتني ماجيت دار المسنين
دار بها يسكن عجوزا وشايب
جيت الرميلة بالعصر يوم الأثنين
وشفت الماسي وشفت فيها الغرائب
شفت الذي يبكي وهو يشكي البين
ويصيح مقهور اجروحه عطايب
على السرير وفي حيلته دمعه العين
ويقول وين أهلي وين القرايب؟؟!!
وين الذي راحو ونسوني من سنين!!
وانا قريب أتحط فوقي النصايب
دمعه على خده ويبكي من الشين.
حزنه عميق من القهر والمصايب
خانه نظر عينه وصابه بهمين
ورجله حسيره والحزن فيه صايب
خانو به أعيـــــــــــاله وماهم وفين
وأنا أشهد أن الضن ياناس خايب
والكل منهم عنده أغلى من العين
ودرسهم الدينا وحل الصعايب
خليت أبوك اللي يساوي ملايين
من حسرته هلت ادموعه صبايب
يعطيك من جيبه ويعطيك بالدين
ومايقصرك شىء ولو كان غائب
واليوم خليته بـــــــدار المسنين!!
زاد التعب حزنه ولاهو بطايب
والله ماهو طبع الأسلام والدين
ولاهو من الأسلام هجر الحبائب
ياويلـــــــكم ياطايعين الشياطين
حاضركم الشيطان ماهو بغايب
ياللأسف يالي نسيتو المحبين!!
يوم الحشر تلقون نار ولهايب
مسكين يالي تشكي الحزن مسكين
من سبته هلت ((دموعي سكايب))...

الله الله بالردود ولن اسامح اللي يدخلوا ومايردوا؟

شكرا علي الشعر الجميل والرئع وارجو من كل الناس مرعاة مثل هذا الكلام

اللهم ارحمهم امة نبيك
كلمات جميلة

كم هو كلام جميل
مرسي حنونة

انشاء الله على موضوعك كنا رادين
وما نفرط في شاب ولا شايب
ياللأسف اللي كتبتيه من عقوق الوالدين
اضحى في هذا الزمن من اهون المصايب