نكت نكت نكت نكت نكت 2013

مغربي تزوج بڭاورية، و بعد مدة ما تفاهموش بيناتهم، ومشىداها لدار باها

بعد مدة، كتبات ليه برا باش ترجع ليه

جاوبها حتى هو ببرا كتب فيها +O×**

قال ليها واحد : ديها لشي مغربي بحالو، هو يشرحها ليك

مشات عند واحد مغربي، وهو يقول ليها :

+O×** المعنى ديالها هو: تزيدي دوري بيا نضربك تشوفي النجوم

هادا واحد فضولي بزاف. قالوا ليه : نعطيوك نص مليون د الدرهم وما تبقاش تدخل راسك ف كل حاجة
قال ليهم : واخا... ولكن نص مليون لاخور شكون غادي ياخدو ؟

واحد الشفار سرق واحد الدار. فاش كان خارج شافو واحد الولد صغير
قال ليه الولد : سرق الشكارة و الكتوبا حتى هوما ولا نغـوت

واحد المبوق حكموا عليه بالإعدام
قالوا ليه : أشنوآخر حاجة كتمناها ؟
قال ليهم : كنتمنى هاد الشي يكون ليا درس ف المستقبل

هادا واحد الراجل عرض على صحابو للغدا، وحط ليهوم طبسيل ديال العدس.

قال ليهوم: كولوا العدس راه مزيان فيه الحديد

تكاو عليه هاك بالاك، هاك بالاك، هاك بالاك، حتى فضاو معاه

قالوا ليه: زيدنا واحد طبسيل آخر

هاداك الراجل تعقدات ليه، ماكانش معول على جوج طباسل

مشى عمر ليهوم الطبسيل بالمسامر وقال لصحابو: كولو الحديد راه فيه العدس

سولو واحد المبوق: علاش العروسة كتلبس كسوة بيضة، والعريس كيلبس كومبلي كحل؟
قال ليهم: حيت المرا كتضوي للراجل حياتو، والراجل كيحل على المرا عيشتها

هادا واحد ديما كيكمي جوج ݣاروات
واحد النهار سولو صاحبو: علاش ديما كتكمي جوج ݣاروات؟
قال ليه لاخور: واحد ݣارو ديالي، وواحد ديال خويا اللي ف الحبس
واحد النهار هاداك السيد بان ليه الكماي كيمكي غير ݣارو واحد
وهو يسولو: صفي خرج خوك من الحبس وما بقيتيش كتكمي ليه؟
قال ليه الكماي: لا، غير أنا اللي ما بقيتش كنكمي