بكالوريا 2013

السلام عليكم

توحشتكم كامل واش راكم ؟

 

ايه والله حبيت نحكيلكم على الهم الي ذقتو وحياتي الي كرهتها مع باك 2013 وندمت ندامت عمري كامل على هذيك القراية الي قراتها والليالي الي سهرتهم في القراية عييت روحي بزاف ومرضت روحي غير علاجال الباك وفي الاخير نتيجة تخيب خيبتلي ظني كامل ياما ديت ليالي نبكي و غير ربي الي علابالو بيا الناس كامل تباركلي و فرحتلي مي المشكل انو انا ما فرحتش للروحي و حسيت انو احلامي كامل ضاعت و خصوصا لما بعثوني علوم المادة والناس كامل قالولي بلي صعيبة بزاااف وصامطة

المهم انا رايحة نعاود الباك ونجرب حظي مي راني حاسة روحي فاشلة و كرهت القراية كامل والله والله ماني حابة نروح للجامعة هادي

اسمحولي قلقتكم بهمي

سلام

ربي شاف فيها خير سارة
متتقللقيش وناس كامل عناو من الباك نتاع هذا العام
ان شاء الله العام الجاي يكون فيها خير

الخير فيما اختاره الله اختي حياة الروح والمهم ربحتي
ومبروك عليك

صح عندكم حق الحمد لله على كل حال
مصطفى انا نقدر نبدل بكل سهولة و نرجع رياضيات و اعلام الي أو علوم طبيعة والحياة مي الناس ما نصحونيش بيها وكامل قالولي اخطيك والله راني حايرة و منا لسبتمبر و نشوف

مبروك عليك المهم ربحتي الباك لمشكل كون عوتي