قسم خاص بالدراسات الجامعية

والله طلب رائع جدا

ومنها الكل يستفاد , الجامعيين يقراو والي مازال يدو نظرة على الجامعة

ان شاء الله يلقى طلبك القبول حنونة

فكرة مليحة اختي حياة
ان شاء الله تقبل الادارة

والله روعة ادارتنا

ربي يخليكم دايما تلبولنا رغباتنا


شكراااا

وين وصل الاقتراح تاعي يا ترى ؟؟؟؟؟؟؟؟؟؟؟؟؟

و اين هو التطبيق يا ادارة المنتدى ؟؟؟؟؟؟

فكرة رائعة اختي حياة

وانشاء الله يكون هاذا

هههههههههههههههههههه
شدي في ذاك الخيط كامل عندنا مشاكل في les tp et les td

اقراي الكتب ماتلقاي هنا والو اتعبي كما الناس تعبت وبركاينا من التكاسل

تشتوها طايبة ايها الجيل المجلجل

منتدى فضاء الجامعة مفتوع قبل هذا الموضوع
للاسف لا احد يشارك فيه
وبلال يقول هنا متلقاي والووو لا يا اخي بلال كاين كلش هنا
ونستقبل اي طلب من اجل اعضاء منتدى اولاد بوسعادة
وشكرا

شوف يالسي بلال انا قادرة على روحي في كلش و الحمد لله نقرى و نلقى و ما نستنى لا منك و لا من غيرك المساعدة

و مانحبهاش طايبة كيما راك تقول افهم واش نحوس و من بعد اهدر

زيد المنتدى تلقى فيه كلش واش خصو

و ادا احتجت حاجة قلي راني هنا نعاونك بلي نقدر عليه

سارة من نيتك ؟؟؟؟؟ زعما ماتعرفيش زعاقة بلال


اوووووه هدي المحبة عندكم وهادي الأخوة !!!!!!! ان شاء الله للطايلة مايصراش لبقية الأعضاء واش صرا مع بلال برك


يخي حالة يخي

هدا الشي راه يزعق برك وباين بلي ماشي من نيتو يهدر قلتيلو هاك ؟؟؟ مالا كون جا صح يهدر واش تديرولو ؟؟؟؟؟

أخي حمزة وسارة

راهو بلال عارف المنتدى واش يسوى وعارف واش فيه مي طلعتو انتوما الي ماتعرفوش عقلية بلال وطلعت كلمة المحبة والاخوة هاك برك ثم ثم يروحو وثم ثم نسيتو بلال وهدرتو

خسارة خسارة نشوفو شيئ كيما هاك في منتدانا ومع واحد مكانش بالشخص القليل قيمة بالمنتدى

نضن سارة تاني كنت تزعق

انا جابلي ربي راهي منها بالصح تهدر , ماهيش تزعق

ان شاء الله انا نكون فهمت غلط خاطر انصدمت بسارة بزاااااااااف

ههههههههههههههههههههههههه واش راه صاري ختي اماااني


علاش عليك هاذا منك بالصح تقلقتي وتعصبتي نوصيك جااامي تهبطي لمستوى الي راكي تهدري معاه ولا تتقلقي منو خليه في الاذن الثقيلة الا كنتي تسمعي لهدرة الناس بزااف راهم يعيووووك فيهم الي يحسدك والي يغير منك والي مايحبكش وفيهم الي موش قصدو والي يحب يقلقك بيه يحبك برك

انا حكيت من قلبي وقلبي ابيض ومانيتي حتى شيء وراهي عشرة مابيناتنا وكامل حافضين عقليتي هنا انا رديت هنا وعلى سارة بالذات خاطر حاب نبسط وفي نفس الوقت حبيت نتفاعل معاها عندنا وقت ماحكينا

وباش نصارحك مام انا تفاجئت لردها هي بالخصوص لأني هي الوحيدة الي عزيتها ومازلت نعزها من عرفت المنتدى مي ضهر صح واش قالو عليها بالي راهي زاد عليها الحال او ولات متكبرة كي طلعت للجامعة رغم اني كنت من اشد المعارضين لذي المقولة وكنت دايما في صفها ونقوللهم الا سارة نعرفها مليح ومتأكد منها للأسف خيبت ضني

مي رغم هاذا مازال عندي امل بالي ممكن نكون غالط ومانيتهاش ولا تتراجع في كلامها

اسف عالإطالة وشكرا لتضامنك معي  والسلااااااااااااام

أنا تضامنت مع الحق والشي الصحيح لا أكثر ولا أقل

ووالله غير كلامك ونصيحتك في محلها 44444

مام انا مزال عندي نفس الامل الي راه في راسك بلال وان شاء الله مانكونوش غالطين برك

يا ودي ان شاء الله ماكاين والو , بلال خدمتو الزعاقة وليد خالي ديما هااااك

وزيد ماضنيتش حياة الروح راهي تهدر من نيتها

ان شاء الله تجي وتقول بلي راهي تعرف عقلية بلال ومش بلال الي يزعف منو الواحد

يا خوتي مكاين والو كامل راكم خوا

ايه ايه هاد الشي كامل و المنشار راه في ظهري وانا ماعلاباليش

والله ماحطيت رد كيما هادا منك اماني وانت الي تعرفيني مليح ما علاباليش نلومك و نكون معاك

و تاني انت يابلال يابلال غير الكلام يقول بلال نسيت كيفاه كنا ولا نسيت سارة وطبيعتها مع معاك نسيت يا بلبل و وليت دير عليا من صحك وتهز كلامي بمحمل الجد هكدا

نقولك حاجة قولها للي قالولك سارة راحت للجامعة ولات تتكبر

قولهم انا ماشي نتكبر مي وليت كبيرة و قبل ماندير حاجة نديرلها الف حساب مع الوقت الي رانا فيه

وراك فاهمني مليح يا خويا نعرفك تفهمني من بكري الا ادا انت تاني تبدلت كيفهم

اماني هادا خوك وعندك حق تزعفي عليه
خيبني سوء ظنكم بي للاسف يا بلال غاظتني منك كتر من اي واحد

ادا انا وصلت اي واحد في حاجة نتمى يسمحلي لانو ما بقاليش بزاف معاكم و كيما يقولو الحياة تفرق والموت تفرق

سلامي للجميع

حيـ الروح ـاة كتب:

شوف يالسي بلال انا قادرة على روحي في كلش و الحمد لله نقرى و نلقى و ما نستنى لا منك و لا من غيرك المساعدة

و مانحبهاش طايبة كيما راك تقول افهم واش نحوس و من بعد اهدر

زيد المنتدى تلقى فيه كلش واش خصو

و ادا احتجت حاجة قلي راني هنا نعاونك بلي نقدر عليه

شوفي كلامك اقراي برك ردك وعاودي

وبينك بين نفسك كوني صريحة الا تلقايه استفزازي ولا لالا

اولا توري في روحك بالي تقراي وماعلاباليش كالي قانت الي قريتي وزايدة تهدي قلتيلي مانستنا لامنك لا من غيرك
وثانيا كي قلتي افهم واش نحوس ومن بعد اهدر كالي بطريقة غير مباشرة بلع فمك وماتدبرش عليا
والثالثة الا احتجت حاجة قالي انا نعاونك كالي حاطة في روحك وحنا ذبان قدامك ماقرينا مانقراو ماشفنا ماوالو


على كل انا عمري لانتبدل بلال هو بلال البارح واليوم وغدوة وقلبي ابيض وصدقيني مانعمر قلبي بيك انا برك نحب كالشي على برا ماتعجبينيش في حاجة نقولهالك
امالا نقراوها سوء فهم ونسموها العاقبة وانا منا وجاي نثقل وانت منا وجاي اوزني كلامك هذا واش كاين

وقلوبنا مفتوحة ليك في كل وقت اليوم وغدوة وبعد غدوة والدار دارك ومازلنا حبابك وميش الحاجة الي تدير بيناتنا ديريها في بالك انا وانت ساسنا قادر ان شاء الله ميش كي بعض العباد
وبالنسبة لقول ويقولولك خاطيني توصال الهدرة انا نسمع من الطرفين ونحاول نعرف الصح ونزيد نجرب ونشوف بعيني ونحكم ونعرف كفاش نتعامل مانيش نهدر باش ندير النميمة


ربي يغفرلنا برك على زلات لساننا ويقرب القلوب لبعضاها ويصفي النياااات مانكونوش من الحاسدين الي قلوبهم كحولا مايضحكو مايبسطو مايحبو للناس تبسط

سارة هدا مش تمنشير ماناش نهدرو من مورا ظهرك رانا حطينا رد وشاركناك بلي في بالنا + خيتو أنا صريحة ونحب الصراحة ولي تجي في راسي نقولها

أنا ماحطيتش الرد خاطر بلال راه خويا , لا حطيت الرد خاطر حسيتك غلطت في حق انسان برك

وبلال راهو مخلاليش واش نقول شرحلك بالبزااااااااااف وانت عاودي اقراي ردك وشوفي


في الأخير نقلك حوايج كيما هاك تصرى مي لازم برك كل واحد يراقب الردود نتاعو وان شاء الله غير الخير وماكاين والو

حاجة صغيرة كبروها