ممكن تدخلو شويه هنا

السلام عليكم ورحمة الله تعالى وبركاته

لقيت هدي مراة تتكلم مع روحها وتقول

واش راني راح نهدر فريمو حاجة كاينة بغينا ولا كرهنا واليوم حبيت نقولهالكم بكل صراحة انا خلاص قطعت لياس من هاذ الناس ، قطعت لياس بويسك خلاص كلش راح الحيا ،راحت النية، راح لامان ،واحد ولا يمشي يخاف من ظلوا والله فريمو راني نمشي في الطريق ونشوف حالات يحبسولي مخي ، معلاباليش اسكو انا معقدة ولا واحدة نتاع بكري ولا الشعب ثقافة وحضارة ، اليوم صح استعرفت بلي رانا في زمن نبكيو فيه على روحنا ولازم نبكيو بزاف بزاف ، وين راهم ناس بكري يا حصراه ياحصراه ، كان البابات كلمتو كلمة واليمات تشوف فيك متعرفش وين تحط راسك ، وين راه زمان كنا نمشيو في الشارع بكل فخر ودوك تمشي تخاف تشوف كاش مصيبة يبليك بيها ربي وتجي في طريقك ، علاش يا الوالدين علاش راكم ديرو فينا هكذا ، انت وانت وهي وهو وهم علاش راكم تبهدلوا فينا علاش راكم تطيحو في القدر ، ولا الواحد تقولشي راهو يتفرج في فيلم مكسيكي علاه عليكم هاد اللبسة هاد التسريحات ، وين رايحين احنا نرفعو راية لبلاد احنا لي يعول علينا ؟ ما شكيتش ، باش نفرضو راينا ونحكمو في ولادنا مقدرناش نقدرو نحميو شعب وامة ووطن ، خلاص قطعت لياس مبقاش في الدنيا خير مادام الراجل فقد الثقة في المراة ، والمراة ولات قوامة على الرجل ، مابقاش خير مادام بنتي تخرج بالفيزو وعاجبتني ووليدي يخرج بالشورت والسروال مقطع والشعر مصبوغ ويعجبني ، مبقاش لامان مادام لايهم النسب ولا الحسب ويهم المال والشكارة ، مبقاش لامان مادام لي يروح يخطب يسقسي على الخدمة والشهرية شحال ، مبقاش لامان مادام التعرف ولا شرط اجباري للزواج ، مبقاش لامان مادام رانا راضيين بهاذ الشئ وكانو نورمال ، الله يهدينا اجمعين يا رب .


اميييييييييييييييييييين يا امييييييييييييييييييييي

اللهم اللهم مااااااااااااااااامين يا رب ربي يهدي ما خلق

مشكورة خيتي

مشكور اخي جزاك الله كل خير

وي صح خيتو هدا المشكل راهو مشكل كبييييير والاكبر فقدان الجانب الديني تماما


مي واش نقولو , ربي يغفر ويهدي من عندو


اللهم اميييين

اللهم امين جزاك الله كل خير

اللهم امييييين , ربي يهدي ما خلق

جزاك الله كل الخير

هذي هي بلادنا بل كل العرب يا اختي
من الفساد الى الفساد
ربي يهدينا اختي كلام صحيح