انصَحوني بِأن أتَزَوّجها أم لا

السلام عليكم



مشكلتي يا اخواني واخواتي في منتدى بوسعادة


عندي عام خطبت بنت خطبة رسمية

ومبعد عام من الخطبة عرفت بلي كانت تمشي مع ابن عمها
ولمشكل ابن عمها يدخل ليهم لدار
وكي هدرت معها قتلها محقش وليد عمك يدخل لداركم ويشوفك قتلي واش دخلك في ابن عمي وانت راك تغير منوووو
واش ندير يا خوتي انصحوني

سلام خويا

انا واش نقلك في هاد الموقف مانقدر نقلك لاتزوجها لا لالالا باسكو انت مدلم خطبتها يعني عارف وين راك حاط رجلك وعلى العلاقة نتاع ابن عمها يبالي معندها

حتى دخل باسكو هاديك قصة قديمة ومن ناحية يجي ولد عمها لدارهم هاديك لدا انت مش باغيها تشوفو تقدر تقلها متشوفوش راهي حلالك تتحكم فيها كيما تحب

تقدر تقول لباباها ولا دير عفسة اخرى بكيفك مي تاني منضلموش طفلة بلاك هيا راهي نسات ولد عمها قاع يعني مدام رايحة تتزوجك وقبلت بيك باينة راهي تخمم فيك انت تكون سايي نساتو ولد عمها

لانو طفلة تخمم غير في لي ناويها للحلال اوكي خويا

ان شاء الله رايي ادا مافادكش ميضركش وربي يفرج عليك خيو

يا خويا نقلك حاجة مليحة غير اخطيها شوف وحدة اخري بسكو لا تزوجتها انت ابن عمها كون جيها لدارك ولحديث قيس

خيو ماكان حتى مشكل كيما راني نشوف انا

ادا بن عمها هادا راه يدخل للدار , راه يدخل لدار عمو مش لدارك ولا لدارها , وماتقدرش لا انت ولا هي تمنعوه , مي عندك الحق في حاجة وحدة انك

تحجب خطيبتك , قلها مانقبلكش تخرجي ليه ولا تهدري معاه

مش هادا الشي الي يخليك تخطيها الا اذا كنت شاييفها مش مناسبة ليك , مي هدا اصلا مش مشكل ومدامها معاك ماتحاسبهاش وماتخزرش للماضي


وربي يهنيكم ويجيب الي فيه الخير

انا واش نقولك خو اذا كان راهو يشوفيها بلا خيمار و يسلم عليها هاذي حرام و اذا كانت من قبل تمشي معاه باين بلي تحبو و يحبها شوف وحدة اخرى تكون خيرليك

يا اخي العزيز انا اقول لك ربي وحده اعلم بما فيه الخير لك
صلي استخاره وادعو ربك يفرج همك ويعينك
اذا كنت في حالة شك وضياع اسأل شيخا تثق في علمه وورعه
وان شاء الله تلقى الي يسعدك

الدنيا معادش فيها لمان