@ المدير العام
عدد المساهمات : 11028 نقاط : 56745 عضو نشيط : 10 تاريخ التسجيل : 24/05/2009
| موضوع: قصيدة حب باللهجة الجزائرية...باللهجة نتاع بلادي 19/4/2011, 17:31 | |
| للاحبة والاصدقاء ولكل عاشق ولهان كلمات في صميم القلب
باللهجة نتاع بلادي
يا للي سألتني عن الحب = و قلتلي بالله خويا وعلاه ما تحاولش كاش ما تكتب = وتقولي برك وين نلقاه عييت نقلب شرق و غرب = وين يقولولي نستناه لقيتو كامل كذب في كذب = ما تلاقيتو ماعرفت معناه لا قريب و لا صاحب = و لا حبيب نعيش معاه حياتي كامل و أنا نجرب = واحد ما لقيتو يسواه مانيش فاهم هذا القلب = و كأنه ضد مولاه يحب يشقى يحب يتعذب = يحب الواحد لي ينساه و ساعات تلقاني نحب = لي يكرهني نجري موراه و لي يحبني و ليا يقرب = نهرب عليه مافهمتش علاه حاول خويا كاش ماتكتب = الجواب راني نستناه راح نحاول باش نجاوب = و ماراكش وحدك حاصل لله هو الحب هكذا يحب = يجري و يطوع مولاه مايفيدوش معاه تجارب = ما يفيد ملك و لا جاه شحال طوع من محارب = و حسرة شحال من فارس بكاه و جيت لعندي أنا نجاوب = و الله ماراني فاهم علاه راح نديرلك واش راك تطلب = على ما نظن و العلم لله أنت قلبك راه مخرب = و ما راكش عارف حتى وين راه دير في بالك هذاك الحب = لي يهرب و أنت تجري موراه و لما يجري و أنت تهرب = عمرك ماتقعد معاه على خاطر هذا لعب = مديور للي يتبع هواه ما تنال منو غير التعب = ديرو كيما خيالك و انساه فرغ قلبك و عاود رتب = و خلي عقلك يخدم معاه و قبل ما تحب لازم تحسب = باش كي تمدو تمدو لمولاه هيا نبداو من أول حب = ….أول حب هو الله لي عطاك هذاك القلب = لي راك تحوس باش تملاه و لوكان ليه تقرب = أقرب منك رايح تلقاه ماشي كيما الحب لي يهرب = و انت تبقى تجري موراه و بعده يجي ثاني حب = هو حبيبنا و حبيب الله عليه الصلاة و السلام تعب = باش وفرلك الدين تقراه حبو علي و عليك واجب = سعدو المرء للي بغاه المرء يحشر مع من يحب = تخيل روحك قاعد معاه و من بعد ثالث حب = أنه الواحد يحب يماه تسع شهور و هو يتقلب = و هي مسكينة تتقلب معاه سنين و سنين و هي تتعذب = وين يطيح يلقاها حداه حتى نهار يولي شايب = يبقى طفل في عيون يماه و من بعدها رابع حب = أنو الواحد يحب باباه لأنه خرج من بين الصلب = و الترائب لي جواه شحال شقا و شحال تعذب = باش كبر و باش رباه دير في بالك كل ما تمد = أنت و مالك ملك له و من بعد خامس حب = هو الشريك لي تعيش معاه دير في بالك نهار تتحاسب = نصف الدين هو تلقاه تعيش معاه بلي كتب = و تتقاسمو كل شي نتا وياه و تتعاشرو و معاه تنجب = طفل صغير لعقايب تلقاه و هذاك الطفل سادس حب = ماتحبش ولد دون سواه سبعة داعب و سبعة أتعب = و سبعة صاحب دور معاه و من بعد يجي سابع حب = من رحم واحد نتا وياه خوك خوك لايغرك صاحب = حتى الصاحب في الشدة تلقاه و من بعد الصاحب الأقارب = و الجار لي تسكن حداه و من بعدهم تقدر تحب = كل مومن في طريقك تلقاه و المريض لي راه يتعذب = دقيقة واحدةاقسمها معاه طل عليه إذا كان تحب = ربي سبحانه ثم تلقاه و اليتيم لي فقد الأب = ولا حتى فقد يماه مسح على راسو و بدا تحسب = في كل شعرة أجر تلقاه و الفقير للي ما كسب = و لي ما لحق حتى قوت عشاه واش راك تاكل واش راك تشرب = يالوكان خبزة اقسمها معاه و زيد و زيد و لوكان نحسب = ما نيش رايح نحبس لله يا لي مبحر شرق و غرب = و مخلي كلشي موراه و يا لي سألتني عن الحب = بالنسبة لي هذا معناه و إذا ما عجبكش الله غالب = روح تحوس وين تلقاه
منقول
ارجو انها نالت اعجابكم لا تبخلوا عليا بالرد | |
|
مصطفىABS
. . . عدد المساهمات : 8536 نقاط : 34274 عضو نشيط : 9 تاريخ الميلاد : 03/09/1984 تاريخ التسجيل : 22/12/2010 العمر : 40 المزاج : الحمد لله على كل حال
| موضوع: رد: قصيدة حب باللهجة الجزائرية...باللهجة نتاع بلادي 19/4/2011, 19:52 | |
| ايه الحب علم تلقاه بكل اللهجات واللغات هههههههه شكرا سيموا قصيدة جميلة دمت لنا
تحياتي
| |
|
@ المدير العام
عدد المساهمات : 11028 نقاط : 56745 عضو نشيط : 10 تاريخ التسجيل : 24/05/2009
| موضوع: رد: قصيدة حب باللهجة الجزائرية...باللهجة نتاع بلادي 19/4/2011, 20:50 | |
| - مصطفىABS كتب:
ايه الحب علم تلقاه بكل اللهجات واللغات هههههههه شكرا سيموا قصيدة جميلة دمت لنا
تحياتي هههههههه ايه خويا مصطفى عندك لحق شكرا على لمرور | |
|
حمزة 22 المشرف العام
. عدد المساهمات : 1980 نقاط : 11713 عضو نشيط : 3 تاريخ الميلاد : 18/11/1987 تاريخ التسجيل : 05/02/2011 العمر : 36
| موضوع: رد: قصيدة حب باللهجة الجزائرية...باللهجة نتاع بلادي 19/4/2011, 23:43 | |
| مانيش فاهم هذا القلب = و كأنه ضد مولاه قصيدو فووووووووووور خويا سيمو | |
|