قصيدة أصحاب

يقول لي ... خل نكون اصحاب
وانا فيني من الاحساس ...
يفوق احساس هالعشاق
يقول لي كيف حنّا احباب
وانا قلبي بكى قبله...
وبكى بعده ويا ماذاق

ترجّاني وانا قلبي ...
عليه امن الرجا يبكي ...
انا احبه ...
وهو يجي من الاحساس ... لي يشكي

يخاف الحب ... يخاف الشوق
وانا اللي من عيوني ... شافت عيونه
عشقت الخوف ... عشقت الموت
وتطعنَي في قلبي سيوف ... وياما سيوف

رهنت ايامي لايامه ... واموت آذوب باوهامه
حلمت اني في لحظه صغيره ...
أعظم شخص في العالم
أحبه ايه ولا أخفي ...
أموت بدربه الحالم
ويقول لي خل نكون اصحاب

انا علَمني كيف أعشق ... وكيف اشهق
وكيف اعرق ...
اذا قلبي سمع صوته ...
اذا عيني خذتني في ظلام الليل في شعره
وفي شفاته ... ونظراته
وهمساته ... ولفتاته
وروحاته ... وجياته
يهز الدنيا في كل شي
يا حلو الدنيا لاهتزت بهزاته

انا أسعد بشر في هذي الدنيا
وانا اتعس بشر خابت به النيَه
انا انسى ... وممكن انسى كل شي صار
انا انسان ...
ولكنه محال انسى ... محال انسى ...
محال انسى ... انا انسان
احبه ايه ولا أخفي ... اموت بدربه الحالم
ويقول لي خل نكون اصحاب .