الجزائرية للاثصالات و الكل يتكلم عفوا يتألم......

السلام عليكم و رحمة الله تعالى و بركاته نظرا للاحتكار المجحف الذي تمارسه هذه المؤسسة في ميدان الاتصالات في الجزائر خصوصا الانترنت و الهاتف الثابت أرجو من منتدى اولاد بوسعادة الموقرعمل على الأقل استطلاع لرأي الاعضاء الذين يعانون من وطأة الظلم و السرقة في وضح النهار و الرداءة المتعمدة حيث أننا نحن كجزائريون لم يبقى لنا أي متنفس بعد الخزعبلات المتتالية من قبل اليتيمة إلا الانترنت و لكن هذه الشركة لا تتوانى على فرض رداءة خدماتها علينا و أغلى الأسعار تدفع ثمن سرعة تدفق 1 ميغا لتحصل على سرعة 15 كيلو فقط ، حتى يتم تكذيب أولائك المسؤولين الذين يطلون علينا بين الحين و الآخر ليمطرونا باكاذيبهم بتقدم الجزائر في ميدان الاتصال و لكننا نتقدم إلى الوراء و شكرا لكم .

معاك حق اخي ارونج والله تقول راهم يخرجو من جيبهم
حنا عندنا بزاف عباد دارو دوموند على الهاتف باش يديرو لانترنت ومبعد واحد مدرولو
ومبعد جا ت طبيبة دارولها نورمال يخي بلاد معريفة
ويتعملو غير بل مدمات

عندك لحق اتصالات الجزائر ولكل يألم
والله ولات كلش معريفة
كنت حاب نخرج مودام نتاع ريفي
ايا عندي شهر نروح ليهم يقولولي مكاش ايا لخطرة لخرة روحت ليهم
كي لعادة قلت لوحدة واش مزال مجبتو مدام نتاع ريفي قتلي مناش راح نجيبوهم
ايا جيت خارج تلقيت مع صحبي عندو مشكل وجاي يصلح فيه قلي خير ما جبك حكيتلو قلي
عندي وحدة نعرفها ذك نشوف معاها راح ليها قلها كاش مودام نتاع ريفي قتلو ليك قلها ايه
قتلو على 3 ايام ارح ليا نعطيك وحدة يا سبحان والله ما يخافو ربي
جاني صحبي قلي على 3 ايام قتلي ارواح ادي وحدة وانا عندي شهر نقلهم ومكاين والو
ايا حبيت نهدر مع لمدير كل منجي راه مشغول اقعد استنا ايا نقعد نستنا ومبعد يجيني لاجو يقلي راه خرج غير روح المدير نتاع اتصالات الجزائر لي في بوسعادة تقولو بوتفليقة انسا باش يستقبلك
المهم واش نقلكم ربي يهديهم حنا مقدرنلهمش

ربي يكون أمعان ويكون معا صديقي سيمو ديما الجزائر هي الاخيرة ولفنا

حسبي الله ونعم الوكيل لو كان خلاو بوسعادة دار وشجرة وكلب خير ما يطمعونا
جد لاخيك 70عذرا وان لم تجد قل مات الله يرحمهم
الله يفتح علينا من جهة اخرى

ربي يحفضك اخي سالمي
ومعاك حق اخي احمد اديب رانة في 2012 ومزال عندنا مشكل نتاع للانترنت

راهم حابيني ايرجعونا العشرية السوداء

الامم في تطور والجزائر في الوراء والى الوراء ...شعار يردد من طرف .....()لا يمكن ذكراسماء

انشالله يفيقو الانفسهم قبل ما يروح عليهم الحال

نقلكم الصح احنا نستاهلو

لوكن جينا رجالة نجيبو حقنا بيدنا

نروحو ليهم ونخربوها على روسهم

والله كرهت الجزائر بسبة الادارة نتاعها

بني كلبون

ايه خويا مصطفى رانا معاك

كيلهم ربي هذا واش نقدرو نقولو

هذي بلادنا واش تحب شكرا رونج

» من لم يتألم ... لايمكن ان يتعلم ..!!
» عفوا ... سأتخطى الحدود!!!
» عفوا ... لا تستحق الاشراف..!!
» عفوا هل انت رجل؟؟؟؟؟؟؟؟؟؟؟
» عفوا انت في سلة المحذوفات