إلى ثورة 25 يناير في مصر بعنوان :يا مصر هانت وبانت/تميم البرغوثي شاعر فلسطيني

قصيدة إلى ثورة 25 يناير في مصر بعنوان :
((يا مصر هانت وبانت)) (باللهجة المصرية)
للشاعر الفلسطيني : تميم البرغوثي:
تقول القصيدة:
يا مصر هانت و بانت كلها كام يوم
نهارنا نادى و نهار الندل مش باين
الدولة مفضلش منها إلا حبة شوم
لو مش مصدّق تعالَ ع الميدان عاين
يا ناس مفيش حاكم إلا من خيال محكوم
و اللى حيقعد فـ بيته بعدها خاين
اللى حيقعد كأنه سلم التانيين للأمن بايديه و قالـّه همَ ساكنين فين
وصلت لضرب الرصاص ع الخلق فى الميادين
حتى الجثث حجزوها اكمنهم خايفين
يا مصر أصبحنا أحيا و ميتين مساجين
فاللى حيقعد فـ بيته يبقى مش مفهوم
و اللى حينزل إلهى حارسِه و صاين
يا مصر هانت وبانت كلها كام يوم
نهارنا نادى ونهار الندل مش باين
نهارنا نادى وبايدينا على فكرة
والصبح كله فضول راح نعمل ايه بكرة
إيده على الباب وخايف يلمس الأكرة
ادخل يا أستاذ براحتك و البلد حرة
إحنا زهقنا نشوف الصبح من برة
ادخل و خرّج بقايا العتمة بالمرة
الناس دى حرة و جنود الأمن مضطرة
يا صُبح طلعّت روحنا لاجل تيجى ياخىّطالعين نجيبها اهه
فى كل حارة و حىّحتى و لو ضربونا بالرصاص الحىّ
شوف المداين كدا مفروشة خلق و ضىّ
دايما مفجأة و دايما وقتها معلوم
الحكم لينا و ليكى الحق يا مداينيا مصر هانت و بانت كلها كام يوم
يا صف عسكر بدال الدرع شيلو اتنين
25يناير يا شباب فاكرين ؟
كان فى انجليز و وزير الداخلية تخين
كان عنده برضو عساكر زيكم جامدين
سابهم يموتو علاوله لمْ سأل فيهمكانو شبهكم
أساميكم أساميهم
يا عسكرى البهوات اللى بتحميهم
ممكن يردو عليك لما تناديهم ؟!
يا عسكرى أنا أصلى بس باستغرب
لو لاقى تاكل و تشرب .. قوم يا عم اضرب
إضرب عشان الوزير من ضربتك يطرب
لكن حتشتغل ايه لما الوزير يهرب ؟!
أمّا الشديد القوى القادر أبو القادر
برميل تلامة نشع على مصر م الآخر
لو شافته مِعَدِدَة تكتب أدب ساخر
ثابت يقول للهرم يا كابتن اتاخر
و لم يزل معتقد إن الهرم حيقوم
آدى الحجر و البشر قايلين يا سيد القوم
و الدين حيترد ياللى عشت مِدّاين
يا مصر هانت و بانت كلها كام يوم
نهارنا نادى و نهار الندل مش باين
ده حكم أسرة و لا خوفو و لا خفرع
و لا وجع بطن يتعالج بزيت خروع
عمل مسوجر بعيد عنك و لا يطلع
.جربنا فيه كل شىء مَ لقينا شىء ينفع
مطلعش بالأدوية جربنا ألف طبيب
و لا بعطارة شيوخ ليهم بلح و زبيب
و لا بجحفل مغولى و ضرب بالقباقيب
عمل مسوجر و سُفلى شغل تل أبيب
و شغل أمريكا متغلّف و ختمه عليه
ضيف زارنا ياعم من غير دعوة لابس بيه
قعد تلاتين سنة مبيقولش قاعد ليه
و النية يديها لابنه النابغة بعديه
و يقول قضا و قدر بين البشر محتوم
قلناله طيب و مين قال القدر معلوم ؟
و ايش عرّفك يا فخامتك بالذى كاين ؟
!يا مصر هانت و بانت كلها كام يوم
نهارنا نادى و نهار الندل مش باين
الشاعر الفلسطيني : تميم البرغوثي.

شكرا سيمو

شكرا عالقصيدة

شكرا على القصيدة سيمو

مصر تفتدى بالروح وسوف نكتب لها
قصيدة جميلة تحياتي ولدي سيمو

نعم اخي احمد نحن ننتضر القصيدة
وشكرا لكم على المرور نورتو

» لازم تفهمو بلي .............الي الامام الي الامام .......ثورة ثورة مع المنتخب
» "آخر ساعة" تنفرد بنشر صور المتهم فى قضية مقتل سوزان تميم
» ثورة اليــــــــــراع
» ( ثورة الاحــــــــــــــــرار )
» انا اسمي فلسطيني