شعر عن مدينة بوسعادة السعادة

يابوسعادة يا جميلة في لوطان **الجزائر دايراتك في لحضان

تاريخك بالعلم يزهر من زمان=سيدي ثامر هو العصمة والعنوان

اهلك شايعين بحفظ القرءان=المساجد تصيبها في كل امكان

اهلك مشهورين بالكرم حسن الجوار=بلاد الخيرات وابلاد الاحسان

فيك الثقافة او فيك العلم الوان=فيك الصالحين في كل امكان

فيك اهل الجهاد القائد زيان=ثاروا علي النيف وامحاو العتبات

علي ايمينك قسوم هو موللبرهان=اتجيه الزوار من كل امكان

القبـــــــة بيضـــــــة خيالهــــا من بعد ايبان =راك تريح يالي رايح تعبان

عين توتة معجزة منذ زمان=فيها ماء كثير طيب زاد ابنان

هذي كارمة من عند الرحمان=وليصبر لله العاقبة تزيان

سيدي بضياف هو مول الديـــــــــــــــــوان =والكلمة اذا قالها ذاك اليكان

ماننسي برهوم هو مول القيوان=ساكن جنب الواد راقد في لامان

الخضراوي وامقيرش راهم جيران=بن شخشوخ امقاموا وسط البنيان

الشيخ المشهور سيدي سليمان=القبة والنخلات هذوك البيان

بن بولفعة ظهرت بين الوديان=واكلاموا مثل العسل قالي يزيان....

الشيخ المشهور سيدي سليمان=القبة والنخلات هذوك البيان

بن بولفعة ظهرت بين الوديان=واكلاموا مثل العسل قالي يزيان....

اه اه انسف يا بوسعيد ههههه

قصيدة مليحة شكرا اخي ياسين

قصيدة روعة اخي زياية ومنكم نستفيد

قصيدة مليحة شكرا ياسين