الزفيطي البوسعادي (اعداد و تقديم .f c. خطيبة بلال)

[ندعوك للتسجيل في المنتدى أو التعريف بنفسك لمعاينة هذه الصورة] اليوم جبتلكم كيفية عمل اشهر الماكولات البوسعادية واروعها وثاني من عند المادام نتاعي. المهم مانطولش عليكم تابعوا * للزفيطي البوسعادي نوعين (ازفيطي الفلفل الاحمر)و(ازفيطي الفلفل الاخضر) (1) ازفيطي الفلفل الاحمر -انهرسوا شويا فلفل احمر يابس وانحطوها في طاوة فيها ماء ونزيدولها شويا معجون طماطيش معلب ونزيدولها شويا ثوم امهرس بالملح وربع حبة طماطيش اخضر وشويا توابل يعني (افاح)وشويا زيت ونحطوهم يغلو مليح على نار هادية وتقطعي فيه شويا كسبر وتحبي ديري ازفيطي بالزيتون تقطعي في الدوزان شويا زيتون اخضر( الحبة على زوج) والمقادير حسب ذوق كل واحد . فالوقت لي راهم يغلوا فيه نعجنو عجينة كسرى عادي بصح بدون خميرة (رقساس) مكوناتها طبعا ماء و دقيق (سميد) وملح وبعد ما ندلكوا العجينة نقرصوها (نصفحوها)ونديروها شويا غليظة (سميكة قليلا)ونحطوها طيب في الطاجين.بعد ما طيب الكسرى نفتوها (نقطعها الى اجزاء صغيرة)وهي سخونة ومن بعد نحطوا لفتات في المهراس ونجيبوا الدوزان لازم يكون غالي مليح ميلح وسخون بزاف ونديروا منو شويا (زوج مغارف برمة) على لفتات لي في المهراس ونهرسوا مليح وبقوة وبعد ما يشرب لفتات الدوزان نزيدوا نديروا بالشويا وهكذا حتان يتفدق شويا( يتميع)........ لازم يتكل ساخن ..... وهكذا اخواتي نكون قد تحصلنا على ازفيطي الفلفل الاحمر بصحتكم ........ [ندعوك للتسجيل في المنتدى أو التعريف بنفسك لمعاينة هذه الصورة]............... (2) ازفيطي الفلفل الاخضر - نعجنوا الكسرى كيما قلتلكم قبيل في جزء ا زفطي الفلفل الاحمر كيف كيف تماما فالوقت لي راهي طيب فيه الكسرى نديروا 5 حبات فلفل اخضر و 2 حبات طماطيش اخضر يتشواو( يطيبوا في النار)ولا تحبي ديريهم يطيبوا في الطاجين بعد الكسرى المهم بعد ما يطيبوا تنحيلهم الجلوف كامل (تقشريهم) مليح .نديروا شويا ثوم وملح في المهراس ونهرسوا ونزيدوا نديروا معاه حبات الفلفل المشوي ونهرسوا ومن بعد نزيدوا عليهم حبات الطماطيش المشويين ونهرسوهم مليح معا بعض ونقطعوا فوقهم شويا كسبروشويا توابل ونخلوهم كاملين في المهراس .نحطوا طاوة فيها ماء وحدو تغلي مليح .انفتوا الكسرى في المهراس لي فيه الفلفل وباقي المكونات ونهرسوا مليح وبقوة حتان يتخلطوا كامل مليح .نجيبوا طاوة الماء ولازم يكون سخون بزاف ونديزوا شويا فالمهراس ونهرسوا مليح وبعد ما يشرب لفتات الماء نزيدولوا شويا ونهرسوا وبعد ما يتفدق نديرولوا شويا زيت ونهرسوه ........لازم يتكل ساخن ..........هكذا اخواتي نكونوا تحصلنا على ازفيطي الفلفل الاخضروبوسعادي ثاني .المهم اياو كاملين تاكلوا معانا انا ومرتي لي حضرتولكم يعطيها الصحة والهناء وبصحتنا كاملين .......هدية خاصة لاميرة الجزائر. سلااااااااااااااااااااااااااااام






: [ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]



[ندعوك للتسجيل في المنتدى أو التعريف بنفسك لمعاينة هذه الصورة]

والله الله يبارك بوسعادةية نتاع صح قلها يعطيك صحا
وراني نجيك باش ديريلي مهراس يا لبوسعادية ههههه بصح موش بلفلفل لخضر
لازم يعود بلفلفل لاحمر هههههههه
مرسي بلالو

الله يبارك مشاء الله عليها بينا بوسعادية دوريجين

ربي يحفضها ويحفضك معها وشكرا على التعريف على الاكلة الشعبية با مدينة بوسعادة

دمتى مميز

ايه مليح مي صعيب
و رح نحاول نتعلمو في خاطر ناس عين الملح
مشكور بلال على الموضوع

اميرة الجزائر كتب:

ايه مليح مي صعيب
و رح نحاول نتعلمو في خاطر ناس عين الملح
مشكور بلال على الموضوع

ماشي صعيب يا اميرة غير يبان صعيب
ولازم تتعلميه هههههههه

مممممممممممم شهيتونة ربي يخليهالك وشكرا اخي بلال

علابالكم بلي تشهيتفي الزفيطي والله علاحساب بلي حار

زفيطي وعليه لكلام وتحيا ناس بوسعادة

رانا معروضن عندك علي زفيتي وشنو متحروش بزاف

مهراس زفيطى وتحلى الحياة

الله يحفضك

شكرا لك علي اكلة الشعبية لمدينة بوسعادة

شكرا على التقديم
التوابل لذكرتموها تسمى الفواح
حنا نديروه تقريبا يوميا
pour casser la croutte
بصحة الجميع

أنا منعرفش نخدمو نسمع بيه برك

باين عليه بنين و شكون يخدمو و يبعثلي منو

اختي فريال انا نبعثلك زفيطي بنين بزاااااااااااااف

الله يبارك ماشاء الله عليها
ربي يشدلك فيها ويكملك بيها


وياالسي سيمو هاذيك راهي هديل ماشي فريال وراني خطفتها صايي عليك تحشاتلك

انا نديرلك مهراس ختي هديل هههههههه

راني حاسو ايجي فووووووووووور

ميرسي

هديل كتب:

تعيشي منار الله يخليك حبيتي
ابعثيلي العنوان برك

ولاية المسيلة مدينة بوسعادة حي الطريق السياحي هههه 7 رقم الباب 726/1

ههههههههههه واشحال يلصق في روحو هاذي منار
وهديل واش اداني نقولها هنا ياليت قلتها في رسالة خاصة وتهنيت ههه


حنا ناس كرم تحبو ولا لالا ههههههههه

هيا صايي باركاو ما تداوسو كي الاولاد الصغار
ناعطيوكم مكوجاكة كوجاكة وتستو هياو هياو عندي شكون يجي عندي هههههه
مرسي

هذا سفيتي ولا خلي باينة بوسعدية حرة
يعطيك الصخة تسلم ايدك